طبعاً حضارتكم فاكرين الكلام الكبير بتاع الشرعية و حافظوا علي الشرعية و إوعي الشرعية
و لو صرخت من الظلم تبقي لامؤخذة مش شرعي و طبعاً الشرعية مفيدة قوي للأستقرار و الإستقرار أساس الرخاء
طب هي الشرعية تنفع مع المحاكمات العسكرية للمدنيين؟؟؟؟؟؟
طب الشرعية تنفع مع الطوارئ؟؟؟؟؟
طب تنفع مع التغاضي علي البلطجة و البلطجية وتشوفهم وش في وش,وماتمسكهومش و تجيب عيال صغيرة من بيوتها الفجر علشان كلمتين علي النت؟؟؟؟؟؟؟؟؟؟؟؟؟؟؟؟؟؟؟؟
ولا هو هو نفس النظام اللي كان بيسمسك العيل اللي بيصلي الفجر أو اللي بيهوبص بكلمتين إشتراكي تقدمي ,وتسيب في نفس المنطقة اللصوص و تجار المخدرات و البلطجية يحيوا سيادتك و إنت ساحب العيل الغلبان علي المعتقل و التعذيب و الله ينور ياباشا دي عيال وسخة كانوا موسخين الحتة-ده البلطجية بيقولوا -وإنت طبعاً حاسس إنك بطل الشرعية
طب الطوارئ تنفع مع الإستثمارات و العجلة و الحاجات دي؟؟؟؟
طب ماهي موجودة من عشرات السنين,ليه الإجرام زاد بكل أنواعه,وفي نفس الوقت تم كسر كل القوة الوطنية الحقيقية؟؟؟؟؟؟؟؟؟؟؟؟؟
ليه البلطجية معززين مكرمين , الباشا بتاع أمن الدولة شغال علي الناس الغلابة و هات يا تلفيق و قطع عيش و سياسات تجويع؟؟؟,,وكله بالطوارئ
طوارئ يعني الباشا شايف إن مش كويس و لو ماعملتش حاجة وحشة,الباشا بحكمته و زكائه شايف إنت بعد متين,تلتميت سنة ممكن تعمل حاجة وحشة,فيجب خلعك من مسيرة الأدمية و القضاء عليك علشان الشرعية طبعاً,,,بالظبط زي أي بلطجي لما يقولك"شكلك مش عاجبني ياد,باين عليك إبن شر....عية",,وكله بالدراع,,بلطجة زي طوارئ
إذاً,,طوارئ,يعني قوانينكو كلها أونطة...طوارئ,يعني السلطة القضائية....مابتعرفش تحكم صح و لا بالعدل...طوارئ,يعني السلطة التنفيذية مش مقتنعة بالقوانين زيها زي أي بلطجي مش عاجبه القانون و بيتصرف بمزاجه
الوضع سئ و يجب أن نتذكر أنه في ظل القمع و الطوارئ و التعذيب...تهدمت الجبهة الداخلية اللي هيا منها رجال الجيش و قاعدة الحكم,,فتعرضنا لهزيمة قذرة جداً,,إنتزعت من بين أيدينا القدس بعد أن حافظنا عليها أكثر من700سنة,وضاعت سيناء و الجولان و كرامة الشعوب العربية,,,بس بالأمانة لم يستطيع الإستعمار أن يزيح القيادات الرشيدة ولا البلطجة ولا الفساد ولا .......الشرعية
رضا هلال
ليست هناك تعليقات:
إرسال تعليق