هذا السؤال كارثة في حد ذاته,,ليه بقي لامؤخذة؟؟؟
لأن السؤال ده معناه إننا لسه بندور علي "زعيم",علي "أب",علي "ديكتاتور عادل",علي "قائد ضربة,عبور,قائد أي حاجة"",,,ومش بندور علي نظام سليم متكامل
يعني إيه الكلام ده؟؟؟؟,,,طب ندور علي أساس إيه, أو عن إيه؟؟؟؟
الصح إننا ندور علي العلاقة اللي بينا وبين الحكام بتوعنا,,ندور علي إزاي نلزمهم بتحقيق اللي بنتفق معاهم عليه,,علي إزاي "نرفدهم" لو لعبوا بديلهم منغير زعبيب ومشاكل,,لكن ده طيب وده جميل و ده واد شخصية والكلام الفارغ ده,يبقي حانروح في داهية أكيد
المطلوب موظف بدرجة رئيس,ينفذ ويتابع البرامج والخطط المطلوبة,يحاسب أمام القضاء و مجلس النواب,,مش زعيم ملهم و قائد مسيرة والكلام العجيب ده اللي بيجيب لهم الجنان ويلم حواليهم حثالة البشر طمعا في حتة من الرعريعة الزعامي و السبوبة اللي منغير حساب,لكن هؤلاء الذئاب الحوامة,لو عرفت إن الكوماندا المهم نفسه ممكن يتقفش, ويتحاسب,كله حايديها للخلف در ويشوفله شبكة دعارة أو عصابة مخدرات يشتغل صبي عندهم
هنا تكمن خطورة الأنتخابات أولا,,يعني الباشاوات يجوا الأول ويفصلوا بنود العلاقة اللي بينا وبينهم علي حجرهم وحسب نظامهم و دي مشكلة فعلا
علي أي حال ,أحسن حاجةإننا نركز في حكاية إلزام الرئيس بطلباتنا و نظامنا, ونمنعه من الظلم و السرقة ,بغض النظر عن إسم جلالة سمو عظمته
رضا هلال
ليست هناك تعليقات:
إرسال تعليق