أثناء متابعتي لأخبار الجاسوس الإسرائيلي"إيلان جرابيل",,,حدث لي ما أشعر به دائما,,وهو تخيل الناس الناحية التانية بتفكر إزاي,أو بتقول إيه
تخيلت الحاجة والدة "إيلان",,بعتاله جواب علي هنا,وبتقوله
إبني الحبيب إيلان
شفت بقي ,إنت ماكنتش عايز تطلع مأمورية جمع معلومات عن الثورة في مصر علشان فلوسها قليلة,,,,شفت انا أمك أعرف أكتر منك وفاهمة اللي حايحصل كويس
الموساد حطولك بدل سفر و حاجات من دي يجي 5000$,بس أنا كنت عارفة ان الرب حايكرمك و حاتبشبش معاك في مصر,,أديك شفت,,كانت مبشبشة إزاي مع كل اللي كانوا بيخونوا مصر,,أصل مصر طيبة قوي يا إيلان يا إبني
إللي كنت متوقعاه حصل,,و الحظ ضرب معاك و بقيت انت اللي عملت الثورة,,وبؤين من هنا وبؤين من هناك,,طلع بدل ما كنا إحنا اللي بنساعد حسني وفلوسه عندنا,,بقي إحنا اللي عملنا الثورة وشيلناه,,,وكدة يا قمر,حانقدر نخبط الناس دي في بعض زي ما بنعمل من زمان
حظك في السما ياضنايا,,الرب عارف إنك غلبان و يتيم(أنا مش متأكدة قوي من إن جرابيل الله يرحمه هو باباك,,بس فيك كتير منه يا إيلان),,,,,,,الموساد أول ماعرفوا إللي حصل إنبسطوا منك قوي يابابا,,وقرروا يرفعوا المكافئة ل15000$و عربية ماتريكس,,الف مبروك يا حبيبي
وماتنساش الماما و بركة دعواتها
حقيقي,,عند قرأتي لجواب الحاجة أم إيلان فرت الدمعة من عيني و ده طبعا رد فعل طبيعي تجاه الغباء و المسخرة اللي فيها الإعلا م المصري , و من هم وراء الإعلام المصري,اللي إبتديت أشك إنه بيقسسم مع الماما بتاعة إيلان
رضا هلال
ليست هناك تعليقات:
إرسال تعليق