تخيل لو إنك حبست واحد في مكان هو نفسه اللي كان مظبطه قبل كدة.كان مخلي الناس اللي فيه تلات أنواع,,النوع ألأول,منتفعين منظمين أشبه بعصابات المافيا,,النوع التاني
عشوائيين فوضويين مدروخيين,,أما النوع التالت شوية قليلين من الناس اللي نفدت من خطة الشر إياها
النوع التالت ده ماتقلقش منه ,ليه؟ لإن النوع الأولاني فاهمهم كويس و بيعرف يبوظ شغلهم,,والنوع التاني حايبوظ شغلهم برضه سواء عن عمد او عن أي حاجة
الناس الكبار متورطين في حاجات كتير, أقلها السكوت علي البلاوي,فمش من مصلحتهم
يفضحوا بلاوي ألأخ إياه,,,النتيجة ,,,الناس اللي مش عارفة حاجة عنه حاتدافع عنه ويصعب عليها,,ويعلم ربنا إنهم لو عرفوا بلاويه كانوا قتلوه
ألوقت كمان في صفه,,فرصة للضغط علي الضحاية,,,سمعتوا طلبات المحامين بتوعه؟
شهادة 1623 فرد,شهادة و مناقشة محافظين جنوب سيناء من سنة 1984,و أعضاء الحزب,,و مجلس الوزراء أثناء الثورة,,,,,وخد بالك معايا,كل النوعيات المطلوب سماع
شهادتها فيما عدا شهود عمليات القتل,,كلهم لحم كتافهم من خير حسني ولا يجب الأخذ بشهاداتهم أصلاً
خش علي المحامين إياهم,سامح عاشور,العوا,طلعت السادات,,,والعديد ممن يحملون لقب مستشار وقد أظهروا تعاطف""إعلامي""صاخب مع الشهداء,,راحوا فين ؟؟؟؟؟
ليه سابوا المحك العملي الحقيقي لدعم الشهداء و الدفاع عن حقوقهم,فين محامين السلفين و ألأخوان,ليه البرادعي ما عملش حملة من محامين معقولين شوية للدفاع عن دماء الشهداء و عن الشعب الذي أنتهكت حقوقه 30سنة,,للأسف صايم مش قادر أقول رأي فيهم بس طبعاً إنتم فاهمين
الناس فرحت بالمحكمة,بس المشهد والله عبثي جداً وبيصب في مصلحة الظلمة,لو البني أدم ده حالته "نقالة""يبقي ماينفعش يتنقل أصلا,,ولما الأطباء محلين و عالميين قالوا حالته كويسة وينفع يتنقل,ماكانش في داعي للنقالة إلا لإثارة التعاطف و الفتن,,حركة مش نضيفة,بس هي عادته ولا حايشتريها؟
بصراحة الجولة الأولي لصالح هؤلاء الفاسدين,مش لصالح المظلومين
رضا هلال
ليست هناك تعليقات:
إرسال تعليق