ايها السادة ,أدعوكم الي الكلام في المستقبل وبلاش كلام في أمور الماضي ,,عايزين نشتغل بقه
إيه؟؟ الفلوس إتسرقت؟؟طب يعني حاتقعد تعيط لحد ماتيجي يعني,,وبعدين حانعطل نفسنا ليه بمحاكمة الحرامية-ده بإعتبار اننا قاعدين قدام طرة 24 ساعة وسايبين أشغالنا-؟,,طب دول سرقوا الأثار والمتاحف,,,,ياسلام ياأخي ,طب ماهي طول عمرها بتتسرق,إيه الجديد؟؟؟؟
طب دول عذبوا وقتلوا و دهسوا و هتكوا!!!!,طب دول وردوا جثث متعذبة للمشرحة علي إنها مساجين أشرار ماتت؟؟؟؟,ياسلام يا أخي,,يعني حانقعد نشغل بالنا بالحاجات دي؟؟ وبعدين التقارير بتقول كلام تاني ,مقنع,رسمي,مش الهجايص دي,,,,,,طب نبذل نص مجهود الكرة و نص ذهن الكرة,,ونص حماسة و حرق دم الكرة في المواضيع دي,,,,,,,,بلاش تخلف بقي ,,دي رياضة شعبية والناس بتنبسط بيها,حرام عليك يا سوداوي,عايز تنكد علي الناس؟؟؟؟,,طب ماهو مستوانا فيها هباب و بتنكد علي الناس برضه,,,,,,ده كلام مش مظبوط والناس سعيدة جدا وبتتكلم فيها طول النهار
ماطولش عليكوا,,علشان اسيبكوا تشتغلوا و ما عطلش حركة الإنتاج
طبعا الجميع سمع عن موضوع سرقة القصور الجمهورية,,والمتحف الإسلامي-فيه 7500 قطعة,,زكريا عزمي سرق 4200 بس,,وقشط القصور --علي فكرة,المتحف اليوناني مقفول بقاله يجي 6سنوات,والإسلامي إتهلب برضه وهو مقفول كذا سنة,,ترميم بقي--طبعا حسني
ماكانش يعرف علشان هو كويس والناس اللي حواليه ناس وحشين قوي؟!؟!؟!؟!؟!؟!؟
طب زكريا,,,ماحدش فقعه زونبه,,طب حسني والمدام والأولاد-وطبعا كل واحد فيهم عنده طقم جامد بيجيبله دبة النملة-ما حدش قالهم حاجة؟؟؟؟ ولا جالهم شوية هداية والقانون لا يمنع قبول الهداية-القانون بتاعهم اللي هم عاملينه وسرقوا بيه وبنحاكمهم بيه,,,يا حلاوه ياولاد-طب ما حدش بره من السفارات ولا القنصليات شم ريحة الحاجات دي في الخارج؟؟؟؟؟
المعروف علميا,إن في هذا الوسط "اللي ياكل لوحده يزور",لأ مش يزور وبس,ده كمان الأكل يقف في زوره زي باكتت البانجو بالظبط وعضامه و جمجمته تتفشفش,والله يرحم الحباك,أكل لقمة زيادة وطفحها بدري,بدري
طب الباشا زكريا,كان بياكل كل ده لوحده؟؟مش ممكن طبعا قياسا الي الحقائق العلمية المعملية
طب العيال الناشطين اللي بتدوسوهم العربيات,مش قضاء وقدر ولا ماس كهربائي ولا هبوط دورة دموية ؟؟؟؟؟,,,طب فيه فرق بين الماضي و الحاضر يقدم للناس أمل في مستقبل ينفع
نتكلم عليه؟؟؟؟؟؟؟
طب,إخفاء المعلومات علشان مانعملش دوشه ,,,,هل ده حايمنع الدوشه والفتن؟؟؟؟,خصوصا ان المعلومة بتيجي للناس من مصادر تتبع جهات معادية بطريقة وفي توقيتات تناسب مصالح العدو مش مصالح مصر وقيادتها,,الإخفاء و الطرمخة وشرا الخواطر هم من يؤدون الي الفتن ويعنون العدو وأذنابه في الداخل علي توجيه ضربات موجعة من آن لآخر,,,بلاش شرا خواطر,,حا نضيع كلنا,,بلاوي الشرطة حاليا معروفة لدي الجميع,,,بلاش طرمخة,العقاب للفاسدين في مجال ما يوحي بالتطهير و يفتح ابواب الثقة في باقي افراد الوسط,وليس التغطية علي هؤلاء و هو مايتسبب في تحقير سمعة الجميع بدون تميز ويفتح ابواب الفتن أيضا
سوري جدا ياسادة,,انا حاسس بتأنيب ضمير اني معقد وسوداوي وماسك في
الماضي,,وفعلا,فعلا,,,حاسس اني عميل,مندس ابن ميتين..بيييييييييب,علشان عطلت دولاب العمل و حركة الإنتاج بالكلام الفارغ ده,,,,عودوا ياسادة الي الدولاب-بتاع العمل-,وربنا يوفق الجميع
رضا هلال
ليست هناك تعليقات:
إرسال تعليق