الغبي هنا هو كل من يعمم حكما علي الناس بالغباء و يظن ان الناس لاتفهم ماذا يفعل و ماذا يريد,وينخدع في سلبية الناس و تهاونهم في حقهم خوفا من المزيد من الظلم,فيخدع نفسه بظن انهم "كده خلاص,اتعودوا,,,دي ناس معدتها تهضم الظلط,,,دي عالم بهايم,,"الي آخر منظومة الغباء الذي يتم حشره في دماغ السياسيين والأعلاميين,والبوليسيين,الي آخر الناس المخدوعين واللي صمموا يخسروا نفسهم وأهلهم من المصريين,بالمناسبة,,الشعب اللي طلع منه ناس قتلت ظابط بعد ماعذبته,,فيه غيرهم إلتفوا حول نقطة الهايكستب و حموا بأرواحهم الضابط"هشام"-نفسي أقابله-و مجموعته لما اشتهر عنه وعنهم من نظافة اليد اللسان,,ولم تمس هذه النقطة ابدا,وفين؟جنب السلام وفي الهايكستب,مش مصر الجديدة ولا الزمالك,يعني العشوائيات,يعني "الجهل",,,,أم علامك يابلد اللي جاب الغباوة لكتير من المتعلمين وربا فيهم السلبية والفذلكة,,,لكن طقم الداخلية اللي مش عايز يغور في داهية ماجابتش سيرته طبعا وأكيد نفسهم يختفي من الدنيا قبل ما وجود أمثاله يفضح وجود أمثالهم,الله يلعنهم
بالأمس سألني شاب صغير سؤال جميل:"ليه محمد صبحي ,كلامه وموقفه غير الأعمال اللي كان بيقدمها؟",,,طبعا مفهوم قصده إيه,أعمال نقديه ومسرحيات حماسية ونقد من النوع الجامد قوي,لكن لما الظلم طال والناس إتخنقت,وإعترضت ,أخد المعلم ده اللي كانت أعماله بتحض علي التمرد والثورة,تجاه معاكس,,علي فكرة,دريد لحام في سوريا إتخذ نفس الموقف برضه,,,طب إيه الحكاية؟؟؟ الحكاية يمكن بمقارنتها بممثلات العري والإغراء اللي عملوا
الشيماء و رابعة العدوية و الراهبة.......ألخ
والشواذ والقوادين اللي قدموا ادوار المدافع عن الحق و البطل الوطني......الخ
برضه مش فاهم!!!!!!,,,حاقول لسيادتكوا,تصور معايا,واحد شايف حصان ابتدي يتمرد علي الضرب والجوع وبدأ في الرمح,وهو برضه عايز يستفيد منه ومش عاوز يطخه وبعدين في ناس برضه تانية عينها عليه وبتحبه,يقوم يعمل إيه؟؟؟؟,,,يستعين بصديق من النوع المصنف بشياطين الإنس,,يجري جنب الحصان ويقوله ,إجري ياحصان,برافو ياحصان,الراجل ده شرير ياحصان,يا بطل يا حصان, ,,,,وكل شوية يقرب منه ويمس اللجام,و واحدة واحدة,يهدي سرعته ,,و واحدة واحدة يفرمله و يكحوله,,وإذ ياباشا تلاقي الفساد هو اللي سرعته زادت وصاروخ ياباشا و الحصان لجامه في إيد محمد صبحي و نادية الجندي ونبيلة عبيد-فيفي عبده برضه بتحارب "الفساد"في أفلامها,,أمااااال- ودريد لحام وبيلف ياعيني حوالين نفسه وبيدوخ وبيقع
وده السبب إن كل فساد تم نقده دراميا -مثال أرض النفاق,,,,الخ-انتشر بعد كده كما لو إن الأفلام منحته ترخيص رسمي بالأنتشار والشرعية واصبح قاعدة مش إستثناء-الكلام ده ينطبق ايضا علي الكثير من الصحافيين واللي حكومة حسني,,وعلشان عين الناس الوحشة,,كانت بتقبض عليهم كده و كده من آن لآخر,,,ابطال بقي ,,امااااااال-ء
المسئلة ياباشاوات ان مقاومة المرض أو الفساد,لابد تكون من خلال موقف مش بالكلام والسلام,علشان كده ومن اللي شافوه الناس زمان قالوا"أسمع كلامك يعجبني,اشوف عمايلك استعجب"",الغلطة,غلطة الناس لأنهم من ألأول بنوا إعجابهم علي الكلام بس,طب ده كلام ربنا الناس أمنت بيه لأن كل حاجة في ملك الله بتؤكده وحاشي الله ان يحتاج الي تقديم دليل علي كلامه لكن ألحاجة كانت من ناحيتنا لضعفنا الشديد ولكي يساعدنا الله امرنا بالنظر في ملكه والأعتبار والفهم,,فكيف نحكم علي انسان شديد الضعف والتقلب من مجرد كلامه فقط ونجعل كلامه اماثيل وحكم!!!!!!!!!!!,,علي أي حال,إن هذا درس جميعا لنا قبل ان نقدس ونعطي البطولة والعظمة لهذا او ذاك,قبل ان نري منه العمل المخلص ألواضح
نعم إنتهي الدرس يا أي غبي بيحاول يلعب بكلمة الحق,,,الحق من أسماء الله,فليتقوا الله فينا وكفاية ,الوقت والظرف وبعد نزيف زمنا طويلا,لم يعد هناك مجال لهؤلاء, الوضع خطير جدا
ربنا ينور بصيرتنا جميعا إنشألله
رضا هلال
ليست هناك تعليقات:
إرسال تعليق