و في إطار الحديث عن "ألإستسهال" في تقيم الأوضاع الخاطئة,,و هو ما يفضله الكثيرون مننا."الناس بنت كذا",,"الناس بقت مش كويسة".....الخ
الشاهد إن اللي بيقولوا كده,في قرارة نفسهم طيبين ولا يكرهون""الناس اللي بقت وحشة"",طب اللهجة المريضة دي جت منين؟؟؟,,للأسف من القيادة والأمن و الناس اللي فوق اللي كانت بتبصلنا بإحتقار ولي العديد من المناقشات مع الكثير منهم (في أثناء إنجاز بعض الأبحاث العلمية ),وكان قول معظمهم بهذا الشأن:"يا رضا,,إنت مش فاهم حاجة,ده شعب إبن......,وما عندوش كرامة!!!!!!!!!,كانوا يتحدثون كما لو أنهم ليسوا من الشعب إبن........,أو علي أنهم النخبة و شعب الله المختار في داخل نفس الشعب إبن........,وإنهم فلتة زمانهم!!!!!!!!!!!!!!!!!!!!!ء
لك أن تتخيل أب وما له من تأثير علي أبناءه-وهناك أوجه شبه بين تاثيره و تأثير القيادة السياسية علي الناس-و هذا الأب يهين أبناءه و أمام الناس ولا ينظر إليهم إلا بإستهزاء ولو فلحتوا إبقوا.....عي قبري,وأصل إنتوا كترتوا ,و عدد منغير لازمة(ده علي أساس إن ربنا بيخلق بشر منغير لازمة!!!!!)وعمالة زايدة-تخيل تروح شغلك وتتبهدل مواصلات و تتعب في شغلك و الرئيس بيقولك إنك عماله زايدة و مشغلك جدعنا,,يعني بتنزل من بيتكو مش علشان تشتغل,لالا,إنت شحات و عبيد إحساننا,,,و ختمها الكلب حسني في أخر 15 بإسطوانة "أجيبلكو منين"",طب يابن.......,بطل إنت والمسعورين اللي إنت لميمهم حواليك سرقة و سيب المال لأصحابه,,,ما علينا
طبعاً و علي رأي الشيخ الشعراوي رحمة الله علي"الفرعنة في مصر يتم تصديرها من فوق لتحت",وشرحها الشعراوي قائلاً:"الرأس يتفرعن علي من حوله,فيمارسون نفس الطغيان علي من يليهم,وهكذا,,فتجد الناس العادية تمارس نفس الأسلوب تجاه بعضها البعض",,رحم الله الرجل
التعبير عن الرأي و رفع الرأس أيضاً,تم إحتكارهما لصالح الناس الجامدة بس,,والعجيب و مع طول أمد الظلم,و مع إعدامهم لثقتنا في أنفسنا,,أصبحنا نستكثر علي بعض و نتعجب أن يرفع أحدنا رأسه,وأن يقول كرامتي....."كرامة إيه ولاد...........,دول معفنين و ريحتهم وحشة",مين المتحدث؟ واحد لا يختلف كثيراً عن المطالبين بالكرامة,لكنه يتطوع في الحفاظ علي تراث"اللي إيده تتمد علي سيده,تنقطع إيده",وهذا بغض النظر عن من هو السيد ده؟,حرامي,قواد,ظالم...مش مهم,بس اهو واحد راكب والسلام
الموضوع صعب,والهجوم علي التحرير و غيره من ميادين الكرامة بديهي,,,ألإنسان بدخل للنوم هادئ مستكين,لكن لو أيقظته,غضب وإمتعض,حتي ولو لتنقذه من حريقة,,ولكن اليقظة مسؤلية و مجهود والغيبوبة إستسلام وراحة من نوع خاص
نسأل الله أن يرزقنا نوره,ويقينا غفلة الشيطان و عمله,و أن يرد الينا بصيرتنا
رضا هلال
ليست هناك تعليقات:
إرسال تعليق