لانحاسب حسني علشان رمز,لانحاسب شفيق علشان رمز....الخ
أتذكر حادثة منذ عهد الطفولة و تقريباً عام 69.كانت سماء مصر مفتوحة وإسرائيل تعربد فيها ليل ونهار.حدث أن إستلمت مصر من روسيا راداراً حديثاً جداً في هذا الوقت
دخلت الطائرات الهليوكوبتر الإسرائيلية الي ألأجواء المصرية وو صلت بأمان كامل الي مكان الردار في شرق إسنا بجنوب مصر.قام أفراد الكوماندوز اليهود بالإستيلاء علي الردار وطاقمه وتم تحميله بكابلات الهيليكوبتر الوناشة وعادوا بسلام الي تل أبيب!!!ء
هذه الحادثة تم إعدام 12 لواء جيش ولكن وكما حدث في 67لم يحاسب الناس الكبار
ليه؟؟؟,,الله ينور عليك "رموز"
قبل كده وبعد إنتهاء تحقيقات هزيمة 67 ,طلعت النتيجة إن المسؤل عن الهزيمة المشير عامر و الفريق الغول,مع إن ناصر هو القائد الكبير صاحب التعليمات بتاعة "لازم نتلقي الضربة الأولي"...اللي ضيعت الجيش وحسمت الحرب في أول دقائق لصالح اسرائيل وطلع المتهمين ,,مين؟؟؟أيوه,,اللي كانوا مش موافقين علي حكاية اننا ناخد الضربة الأولي دي.ليه عبد الناصر ماتحاسبش؟؟؟؟,,,برافو عليك,,علشان رمز,,,بس الناس ماعجبتهاش حكاية رمز دي وخرج الطلبة في القاهرة وعدد من المحافظات تهتف قائلة
لا تقولي عامر ولا الغول ,عبدالناصر هو المسؤل,وطبعاً علشان ناصر "رمز",تم ضرب الطلبة وأستشهد منه عدد محترم وتم سم عامر بعد كده علشان الرمز الكبير طلعه من حكاية الرمزنه دي وباعه
شفيق غطي علي خروج العتاولة"حسين سالم و غالي ورشيد"و علي تشتيت أرصدتهم في الخارج وبعدين طلع من الوزارة بطريقة فكرتني ب "سيد ماجورة"",,إيه ده مش عارفين سيد ماجورة؟؟؟
سيد ماجورة كان بلطجي إنتخابات ومخدرات و أتاوات بحي عابدين من أربعين سنة
كان يعمل بلاوي وبعدين لما كترت الشكاوي منه,جابه شريكه في السبوبات,السيد رئيس المباحث وكانوا حبايب جداً, وقدام التجار اللي الموجودين للشكوي بالقسم,أكله قلمين وأنا حاطلع ....مامتك,,وأطلع بره يابن ال...ست المش كويسة,,,وخرج ماجورة محمل بالغنائم و زي الشعرة من العجين
أنا لا أتهم علاء الأسواني ولا المجموعة التي "سحلت" شفيق قبل الإستقالة بيوم,لا أتهمهم بالتواطئ,ولكن شاؤا أم أبوا,فقد أدوا دور الباشا بتاع المباحث اللي سللك ماجورة
وعاد ماجورة منصوراً,عاد الي السوق "كرمز",,رمز لأي حاجة والسلام,,لكن المقامات فضلت محفوظة و ربنا يستر علي مصر
رضا هلال
ليست هناك تعليقات:
إرسال تعليق