رأي في احد الجرائد-الشروق-بالأمس يقول بأن إنشغال المصرين بالمحاكمات,تسبب في عمليات التسلل بالعريش.!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!ء
طب الهندسة اللي كاتب الكلام ده ممكن يقول لنا الضربات اللي خدتها مصر في السنين اللي فاتت كانت بسبب إنشغال المصرين بإيه لامؤخذا؟
طب المصرين كانوا مشغولين بشتيمة السادات والمظاهرات ضده و قام بالحرب و إنتصرنا ,والمصرين كانوا مركزين مع الزعيم في 67 والحشد كله من أجل المعركة و مع ذلك كلنا علقة قذرة جداً و ضيعنا سينا و القدس و الجولان,طب ليه؟؟؟
بلاش الربط بنظام برامج الطبيخ ده
المبادئ فوق الدستورية:أعتقد إن التيارات الدينية ما قريتهاش أصلاً,,المبادئ دي ليست إلا محاولة من التيارات الأخري للتقارب و الإطئمنا الي أن الجميع سوف يكون بأمان في المستقبل,ولا يوجد بها مايخالف الشرع ولا الدساتير,,طب دول بيحاولوا يحطوا نقط إتفاق و تقريب للمواقف,التيارات الدينية عملت إيه في هذا الإتجاه؟ ما هو لازم يكون في نقاط أساسية نتفق عليها كلنا و علي أساسها حايشتغل اللي حايحط الدستور بعد كده,أمال
كيف سوف يتم تأسيس لجنة وضع الدستور,,إيه الخط العام المرجو من هذا الدستور؟؟؟
حادثة الأعتداء علي مركبات إسرائيلية في منطقة إسرائيلية,مؤمنة بأجهزة إسرائيلية
تستطيع كشف وجود طبنجة علي مسافة,كيف لم تكتشف متسللين,مسلحين بأسلحة تقيلة و متفجرات,و إزاي هربوا الي المجهول,,علي كل, فإن كل جريمة تحسم لصالح المستفيد و أعتقد إن الحادثة دي حاتلم شوية الليلة اللي في شوارع تل أبيب وخصوصاً إن الكلام هناك في المظاهرات بقي عن .....والعياذة بالله الفساد في حكومة إسرائيل
قناة النيل كوميدي و بعد موافقات سابقة,غيرت موقفها ألأن فمنعت عرض شوهات كوميدية عن جمال و عز و أخيراً عن صفوت,,أعتقد إن مش موساد سيناء بس هم اللي كانوا نايمين في الدرة ,لكن الأعلام المصري أيضاً,,منتظر الضوء ألأخضر للتحرك
عجلة الإنتاج:لم تتوقف أبداً قبل الثورة ولا أثناء الثورة ولا في أي وقت,,البضائع كتيرة لدرجة تكدس الشوارع بها و المحال والباعة الجائلين في زيادة,,نعم يا إخواني إن العجلة لم تتوقف لحظة في اي مكان,,في شنجهاي,في بكين ,,لم تتوقف عجلة الأنتاج في الصين ابداً,,ولا أعرف الدوشة اللي حصلت علشان العجلة دي,,يمكن ماكانش قصدهم الأنتاج,كان قصدهم البيع و الإستيراد و الجمارك و العمولات و الرشاوي؟؟؟؟؟؟؟؟؟؟؟؟؟؟
رضا هلال
ليست هناك تعليقات:
إرسال تعليق