عندما أتحدث هنا عن إخفاء المعلومات,لا أقصد وجوب نشر معلومات تمس ألأمن القومي ولا معلومات عسكرية ولا حتي معلومات تخص الست أم رباب حيث أنها تتحرك في مواعيد متأخرة و بتعمل حاجات غريبة..مالناش دعوة علشان دي نميمة وليست المعلومات المقصودة
المعلومات التي أقصدها..معلومات تخص حدث ما يخص الناس و البلد و عرف به العديد من البشر في العالم ولكن أصحاب الحق في المعرفة تم إخفاء هذا الخبر أو هذه المعلومة عنهم,,يعني كل الناس تبقي عارفة و بتبصلك و بتضحك وإنت يا عيني مش عارف بيضحكوا علي إيه
عملية إخفاء عن ناس بارغم من إن فيه ناس تانية عرفتها,بتحتاج سلطة وراء اللعبة دي...يعني تعليمات للصحافة اللي عرفت,"أوعي تقول لحسن نشيل الشيكات و نقطع الأمتيازات"",,وللأسف الكثيرون لا يعلمون حقيقة ألأمر و هي أن الله يسمع و يري ولن يتهاون مع من إئتمنه علي مصير الناس و أمورهم و في النهاية يظهر الحق و يفضح الكاذبين,,ولو بصوا في التاريخ حايلاقوا الموقف ده متكرر
ولكن هناك من يعبد السلطة و الباشاوات و يصدق أنهم موئمنوه من الفضيحة و العقاب و ينسا هؤلاء ألأغبياء أن هؤلاء الباشاوات لا يستطيعوا أن يؤمنّوا حتي أنفسهم إذا جاء ميعادهم
الحكاية بإختصار خبر في جرنال التحرير بتاع النهارده بيقول إن محامي الأخوان رافع قضية علي المجلس العسكري و علي وزير الخارجية,و السبب أن سفير مصر في البوسنة قام-و إلي ألأن-بتنكيس علم مصر من فوق السفارة منذ أول يوم محاكمة لحسني؟؟؟
الخبر هنا عادي نسبياً بس أنا مش مبسوط ليه؟؟؟,,أقول لكم::::::::ء
أولاً:بلوي زي دي أكيد معروفة لطوب ألأرض من بدري و تم إخفائها علي الناس أصحاب البلد و اللي بيصرفوا علي السفير ده و علي السفارة اللي علي مايبدو حولها كشك خاص,,طب ليه ما عرفناش من بدري؟؟؟
ثانياً:محامي ألأخوان بيرفع قضية دلوقت..ممممم....طب السفير ده في البوسنة ألأسلامية,,يعني ألأخوان عارفين أحوالها من بدري قوي
طب ليه مارفعوش القضية من بدري قوي و بيرفعوها دلوقتي؟؟؟,,بيلاعبوا المجلس؟؟؟,,أكيد ,,و علشان كده ربنا مابينصرش المساومين,,يعني اللي بيعملوا دوشة علي مشكلة و حق ولكن بنية الضغط و الحصول علي إمتيازات وليس لنصرة الله و كلمة العدل في ملكه
ثالثاً:ألأخوة بتوع ""الثأئر الحق"" و نهدا و نبني و...الخ,,,,نهدا إزاي؟ هو مش الشيخ الشعراوي بيقول...بعد مايهدم الفساد؟؟,,هو الفساد إتهدم لامؤخذا؟؟؟,,,طب أنظر حولك ..أدي واحد فساد من السفير بتاعنا,و كمان خبوه علينا,,واحد لسه بيعبد حسني وبينكس علم بلده علشان خاين,حرامي,قاتل بيتحاكم,,,يعني ماتعدمش فجأة ولا إتحبس ولا حاجة,,,بيتحاااااكم,,,و مع ذلك قلبه القذر ما طاوعهوش و هان عليه علم بلده و نكسه,,,والله ده يستحق ألأعدام علي العملة الوس...ة دي
لا يوجد حل لبلاوينا إلا بإزاحة الصف ألأول و الثاني و بالتالي يرتدع الصف الثالث و هو ألأكبر عدداً و إلا وجد الشعب المصري متعاص في ألغام حسني و غرقان في كارثة كبري و ربنا يستر
رضا
ليست هناك تعليقات:
إرسال تعليق