الثوار عملاء,,,6إبريل عملاء,كفاية عملاء,الجمعيات ألأهلية عملاء,جمعيات حقوق الأنسان عملاء,النشطاء عملاء,الشهداء عملاء
المصابين عملاء,المعتقلين عملاء,البنات بتوع كشف العذرية عملاء,البنات المسحولة عملاء
بيموتوا و ينضربوا و ينسحلوا و ما حكموش ولا دقيقة,,,بس عملاء و بوظوا العجلة
الحكومة و المؤسسات الرسمية بتقبض من أمريكا و أوربا...مش عملاء
رجال السلطة مشاركين صهاينة و خونة في سبوبات كتيرة....مش عملاء
سرقوا هم و الكلب الكبير مئات المليارات.....مش عملاء
إعتقلوا ألأبرياء و عذبوهم و هتكوا عروضهم و قتلوا في المعتقلات و ألأقسام....مش عملاء
عملوا مشروعات بايظة و سرقوا منها مقدار عشرات أضعاف التكلفة الحقيقية....مش عملاء
جابوا للناس الأمراض و للأطفال السرطان.....مش عملاء
غرقوا و قتلوا ألألاف في العبارات و القطارات......مش عملاء
تواطئوا علي مياه النيل و تقسيم السودان و تخبيط الفلسطينين في بعض......مش عملاء
زاد في عهدهم ألأنحرافات و المخدرات و الشذوذ و ظهر في عهدهم عبدة الشياطين و زاد اطفال الشوارع علي 2مليون....مش عملاء
فجروا الكنايس و خلقوا الفتن الطائفية..........مش عملاء
عينوا أحط خلق الله في المناصب المهمة...........مش عملاء
دمروا التعليم..............مش عملاء
سلموا مسؤلية حضارة مصر و أثارها و ثقافتها لشاذ و شوية حرامية و سرقوا ألأثار..........مش عملاء
أفسدوا الماء و الهواء و الطعام و ألأعلام و ألأخلاق و نشروا الرشوة في كل شئ..........مش عملاء
سلطوا كلابهم يحتكروا كل شئ و يغلوا العيشة علي الناس و طحنوا الفقراء..............مش عملاء
إستقطبوا كبار الجماعات المتطرفة و مولوهم و إعتقلوا شباب الجماعات اللي صدقوا شعارات الكبار.......مش عملاء
افسدوا الأزهر و قزموه و ضيعوا أوقاف الناس و سرقوها................مش عملاء
زوروا ألأنتخابات و أدخلوا المسجلين خطر الي مجلس الشعب.............مش عملاء
نشروا البلطجة والمخدرات................مش عملاء
قتلوا بالرصاص و قالوا مفيش رصاص و كذبوا.............مش عملاء
تواطئوا علي المليشيات السرية التابعة للنظام الفاسد.........مش عملاء
حرقوا ألأدلة و أخفوا الشرائط التي تظهر الحق,لحماية القتلة و الظلمة................مش عملاء
خطفوا وقتلوا الشباب ألأعزل و قتلوا الناس العزّل أمام ألأقسام و لم يقتلوا المهاجمين المسلحين.......مش عملاء
سافروا بلاد العالم و خدوا مليارات و حطوها في بنوك الدنيا كلها...............مش عملاء
سحبوا ألأمن و فتحوا السجون وقتلوا زملائهم الشرفاء................مش عملاء
كذبوا و خدعوا الناس و إستعانوا بأفراد يسيئون لهم ولمصر كلها في ألأعلام,و خدعوا أهالينا الطيبين......مش عملاء
أثاروا الفتن بين أبناء الشعب و جعلوا أهله شيّعا........مش عملاء
أستخدموا ضد المدنين العزّل غازات حربية ممنوعة دولياً في داخل شوارع المدن.......مش عملاء
تعمدوا خزق عيون الشباب-إرجع الي الفيديو الأصلي:العسكري"جت في عينه ياباشا..:الباشا" يالا علي دين أمه...مش عملاء
كل ده مستمر,,بس نوارة و غيرها عملاء علشان بيقولوا كل ده مستمر!!!!!!!!!ء
المشكلة إن النظم العربية و كذلك الشيوعية و كذلك ألأفريقية و في أمريكا أللاتينية و كوريا الشمالية و إيران و باكستان ...ألي آخر هذه الدولة الشديدة التخلف لو قلت كلمة حق و دي طبعاً حاجة مش كويسة و شم متعودين عليها,,تبقي البعيد عميييييييييييييل.طب لو عايزين يعلموا الشباب إسقاط الدولة - و أعمدتها-محتاجين يشبهوا نفسيهم و يودوهم بلاد تاني؟؟لأ و فين صربيا!!!!!,,,و بعدين نظام إيه الشيبسي ده إللي دورة لشوية عيال قتلوا نصهم و رموا النص التاني في المعتقلات بسهولة,حايوقعوه بيها,,دورة إيه دي ..حرب الكواكب؟؟؟
ياسادة ياكرام,كل ما أقابل حد يقولي دفعت رشوة في الجمارك,,في المش عارف فين...الخ
الأنفلات ألأمني المدروش,,ألأحتكارات,إرتفاع ألأسعار العشوائي,,ألأفراد الفاسدين و القتلة في أماكنهم و براءة,,الناس بتحكي و تشكي من كل ده,,,يبقي لسه فيه ولامؤخذا فساد ولا نوارة و الشلة بتاعتها هم اللي بسيئوا للناس ألأشراف الكٌمّل دول؟؟؟؟؟؟؟؟؟؟؟؟؟؟؟
علمنا أستاذ اللغة العربية-أيام ألأساتذة المحترمين مش بتوع النفاق اليومين دول- إن العيان علشان يشفي لازم أولاً يعترف إنه عيان و إلا مش حاينفع معاه العلاج,,,,,,وبعدين نوارة و حمزة و هاني ...الخ,,,,هم دول بقي الطرف التالت؟؟؟ طب والله كويس إنكوا مسكتوهم أخيراً!!!!!!!!!!!!!!!!!!!!!!!!!!ء
لاتزال الدولة في مصر و في البلاد المذكورة أعلاه تنتحر بالكذب و الفساد و التستر علي العملاء الحقيقين و تدعي كذباً-أو مصدقين نفسهم مش عارف- إن المصلحين هم المفسدين و هم الذين يريدون تدمير المؤسسات الي آخر هذه الخزعبلات,وكل يوم يضيعون فرصة جديدة لأن يكونوا قادة إصلاح حقيقي و منقذين لأمتهم و .....لأنفسهم
رضا
ليست هناك تعليقات:
إرسال تعليق