البيان العملي بلغة الجيش هو عبارة عن تدريب مجمع يضم كامل السلاح أو في إطار"مشروع" أكبر يضم كافة التشكيلات
قام ""بتوع""التحرير بعمل بيان عملي لما يبتغون و ينون فعله يوم 25 الجاي,,,,شقتوهم في التلفزيون؟,,بلطجية مش كده؟؟
هو ده التحري و هي دي الثورة منغير "ألأفراد المتعاونين"بتوع أمن الدولة و من غير هجوم الشرطة العسكرية و المدنية و الصاعقة و المظلات اللي كانوا بيعملولنا برضه بيان عملي ..إزاي يقتلوا ولادنا و يسحلونا و يضربوا و يهتكوا عرض بناتنا,,كل واحد و تربيته
المهم,,لايزال المجلس و كهنة المعبد القديم و ألأعلامين الرسمين...خليها رسميين المرة دي...كله بيحذر من 25 يناير و أوعي 25 يناير, و حايولعوا البلد 25 يناير و الفساد مشي..هم عايزين إيه في 25يناير-فساد إيه اللي مشي ده؟؟؟-,,وعايزين يسقطوا الدولة25 يناير,,و العجلة و ألأستقرار.....الخ
طب ما يدوسوا علي الزرار بتاع الناس الوحشة و يبعدوهم عن الميدان؟؟؟,,,أقولوكوا,يقولوا للناس الوحشة إتقوا الله,,,لالا صعبة دي
ما ثبتش لحد دلوقت إنهم يعرفوا ربنا أصلاً
أحسن حاجة ليهم,زي ساعة الأنتخابات,,مش قعدوا يرعبونا قبلها و الدنيا حاتخرب و الدم حايبقي للركب-زي فساد عزمي,كان للركب برضه",و لما عرفوا إن ربنا موجود...لالالا عفواً,,مابيخافوش ربنا,,,لما عرفوا إن هيلاري و جون كيري بتاع الكونجرس و السفيرة ألأمريكانية نازلين يبصوا علي ألأخوان و علي ألأنتخابات,,كله بقي هدووووووووووووووء و في السليم و حضاري و مافيش ..دم
يبقي الحل إطلاق إشاعة-سهلة حكاية إشاعة دي ماهو بتوع ألأشاعات لسه في السلطة من 55 سنة لحدد دلوقت-إن الضيوف ألأمريكان السابق ذكرهم حاينزلوا الميدان يوم 25 يناير,,,ياسلام,,مليونية في الميدان و تجمعات منغير "ألأفراد المدنيين المتعاونين"ولا ضرب بنات ولا خطف ولا قتل في الميدان ولا تحت ألأرض ولا جثث في حلوان و في الصحراء,,مظهر حضاري و طبعاً لو الضيوف إياهم جايين يبقي لازم ألأخوان يجوا و السلفين,علشان المظهر الحضاري إياه,,و بكده يبقي الدولة ماتسقطش إنشأالله
بس الدولة برضه مصممة تسقط,,لسة بتفتري الكذب و لسه بتظلم ولسة بتحوي في جحورها ثعابين النظم السابقة,,و كل يوم الدولة نفسها بتضرب الف معول في اساسها و في اساس البلد و اللي بيدافع هو الشرير؟؟؟؟؟؟
عارف لما بلطجي يثبت واحد في الشارع بيعمل إيه؟؟؟يحط السلاح في وشه,ولو الضحية حاول يدافع عن نفسه يغزه و يقوله"إنت السبب,بتتحرك لييييه؟؟" و هنا يصبح الضحية مش كويس و إتسبب في ألأذي لنفسه علشان بيدافع عن نفسه!!!!!!!ء
ربنا يهدي,,, و يسترها معانا و مع الدولة يوم 25 يناير
رضا
ليست هناك تعليقات:
إرسال تعليق