لايزال الناس يطرحون علينا السؤال المعتاد...حتعملوا إيه يوم 25؟؟؟؟؟؟؟؟؟؟؟
طرح السؤال بكثرة و بالرغم من علم الجميع أننا لم نمارس عنف و أننا الذين يتم قتلهم و ضربهم و إعتقالهم و خزق عيونهم
يعني ,,لايوجد سبب للذعر من ناحيتنا الهم لو أن الذي يطرح السؤال بيخاف من شكل الدم و هو بيسيل منا او بيقرف من شكل جثث الشباب,,لو كده يبقي ليهم حق يسألوا السلطة العسكرية و ألأعلامية تلعب علي ألأحبال,تارة تقول أن الثوار السبب في المشاكل,,وعندما يتم فضح أكاذيبهم,وتلفيقهم
يقفزوا الي الحبل الآخر يشغلون ألأسطوانة المشروخة إياها"طرف تالت,,مندسين,,بلطجية"و الناس الوحشة دي بتيجي جنب الثوار و تعمل حاجات وحشة جداً!!!!!!!!!!!!!!!!!!!ء
البلطجية جم من آخر الدنيا و عملوا مشاكل في مسرح البالون,,,جم من آخر الدنيا علي ماسبيرو,,جم من آخر الدنيا و ضربوا نار علي المراكز و ألأقسام و البيوت...كل أسبوع لمدة 11شهر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليه ما فيش بنزين؟؟؟...علشان بيتهرب الي غزة,كما لو أن غزة دي في الشارع اللي ورا المحطة و مفيش في السكة عشرات الجان المشتركة من كافة الجهات ألأمنية!!!!!!!!!!!!!!!ء
العجيب إن هذا الكلام يوحي بأن من يفعلون هذه الأعمال ألأجرامية لا يمرون علي التمركزات المشتركة للجيش و الشرطة,,مع العلم أن هناك المئات من البلاغات من ألأهالي فور رؤيتهم لهذه الملشيات و قبل و أثناء تحركهم و مع ذلك يصلون بأمان الي موقع تنفيذ مأموريتهم,يقتلون و يحرقون و ...يروحوا بالسلامة
الجيش عمل في 9 شهور 16الف محاكمة عسكرية,,يعني لو إفترضنا إن كل قضية فيها تلاتة في المتوسط,يعني حوالي ميت الف
ولو صدقنا إنهم بلطجية,يبقي البلد تخلصت من ميت الف بلطجي!!!!! يعني تنزل و تسيب باب شقتك مفتوح,,يعني تسيب عربيتك دايرة و تنزل تشتري حاجتك و ترجع بأمان,,,يعني تعدي علي الطوالي بآمان و سلام
بديهي جداً مع نشر هذه ألأكاذيب طوال 11 شهر ,,إن يطلع الديب بتاع مبارك يقول إن حماس و حزب الله هي اللي ضربت المتظاهرين و فتحت السجون....ماشي فهمن إن الداخلية إنسحبت من البلد في ستين داهية,,طب الجيش و حرس الحدود,,ليه سابوا الناس دي تدخل بسياراتهم و سلاحهم؟؟؟؟؟
فاكرين لما حكيت ليكم عن إن اليهود كانوا بيبرطعوا في سماء مصر لمدة 4 منذ 67,,و من ضمن ما فعلوا,ان دخلوا الي الجنوب بالطائرات الهليوكوبتر الي الطريق الواصل من إسنا الي البحر ألأحمر و أستولي علي محطة رادر كانت قد وصلت حديثاً من روسيا و أسروا كامل طاقم الرادر و روحوا الي تل ابيب بسلام زي "الطرف التالت" بتاع دلوقت.حدثت محاكمات ضد قادة الجيش ولكن تم التضحية بكبش فدا و تم إعدام 12 لواء............!ء
تخيلوا لو دخل الي ميادين مصر و الي أقاليمها مسلحين أجانب من خارج الحدود و قتلوا متظاهرين و فتحوا السجون و أخذ مساجينهم و عادوا بهم و روحوا جميعهم بسلام زي"الطرف التالت" مابيعمل....لو كان ده حصل,,يبقي لازم نعدم مين و كام مين؟؟؟؟؟؟؟
كذب كتير و مقرف و بيبنوا عليه كل يوم كذب أحدث,وبقي زي كومة السباخ عندنا في البلد,,عماله تكبر و دبانها يزيد و ريحته تزداد عفونة
طبيعي جداً أن يتكب هؤلاء هذه الحماقات و قد حكموا علي كلمة الحق من مواطن علي انها تطاول,قلة ادب,,إيهام الناس ب مش عارف إيه,,عيب ماتقلش للباشا الكلام ده,,,و صبح المسموح به كلام النفاق و الخداع و هو مناسب للدخول الي نظامهم و لكن ليس له مكان عند الناس,ولن يؤدي الا الي إسقاط الدولة,,,لايريد الناس أن يقطوا الدولة ولكن الدولة بأكاذيبها المستمرة هي التي تنتحر
ياسادة الكذب ظلم و ظلمات يتوه فيها الناس و تتعثر خطواتهم و يسقط الجميع الناس و الدولة في أفخاخ المؤامرة العالمية
توقفوا عن تعاطي الكذب,قبل أن تنهاروا بسبب إدمانه
رضا
ليست هناك تعليقات:
إرسال تعليق