مع إلحاح و تتابع مرثيات القذافي و بكائيات حسني و تعاطفات صالح اللي كان والله حايبقي كويس و بشار بتاع امن إسرائيل,,,تذكرت الست أم حمدي
الست أم حمدي مسجلة دعارة قديم,,وبلطجة و سرقة جديد و كذلك أبناءها ألأفاضل و علي رأسهم حمدي الشهير بحمدي بودرة
كان حمدي شبيح كبير و مشهلاتي إنتخابات و كان عامل عنده في البيت أوضة مخصوص علشان"يكمَر"فيها المرشح المعارض أو الصحفي اللمض أو أي مصلحة تانية
كان يجي الناس يشكوا لأم حمدي,,,ياست أم حمدي,حمدي أخد خرطوشة الماروبورو من الباترينة و مارضاش يدفع
أم حمدي:يدفع إيه يا...أمك,,,دا الباشاوات بتديلي فلوس ,إنت يا....عايزه يدفعلك؟؟؟؟
كريم بتاع الجواكت:ياأم حمدي,حمدي خد جاكتة جلد من البضاعة الجديدة و ما دفعش
أم حمدي:طب إمش دلوقت يا ...أمك,,,الباشا الدكتور جاي النهاردة في "المؤطمر "و حايهنجف الكل
عم زكي البقال:يا ست أم حمدي,حمدي بياخد طلبات و مايدفعش ,قلنا ماشي,بس مايصخش يطلع البيت و يتعدي علي الحريم
أم حمدي:إخض عليه,ده ذوقه بقي معفن قوي,إمشي ياراجل يابن الش...ء
وهكذا كان حمدي و الست ولدته عبار عن كابوس رهيب مما دعي ألأهالي ال التصرف بإيجابية
والذهاب الي القسم لتقديم بلاغ في حمدي
معاون المباحث:عايز إيه يا...امك إنت و هو؟
الناس:ياباشا حمدي ما خلاش,,سرقة,,بلطجة,,,إغتصاب حتي ألأطفال,,إلحقنا ياباشا
الباشا:حمدي ده برنس ياولاد الو...خة,,إللي حاشوفوا منكم هنا تاني حاطلع مي....أمه
ينسحب السادة المواطنون منكسرون,,,يعرف حمدي باللي حصل,يجمع الفاميليا و هجوم شامل علي ألأهالي بالخرطوش و السنج ,وتكسير عضام و تكسير محلات و عربيات,,,أحدهم يجري مستغيثاً بالقسم,,يا باشا,يا باشا,,,,الباشا يتلقاه بالشلاليت ة ألأقلام وإمشي من هنا يابن ال...طه
يعود الرجل مستغيثاً بالست أم حمدي لكي تتوسط لدي حمدي بيه
الراجل:يا ست أم حمدي ,حرام عيليكوا إبني عينه طارت
الست:هو كان حايشوف بيها إيه يا معفنين ياولاد ال....ْ
فجأة يحدث شئ غريب’صمت الجميع,,نظروا الي بعضهم البعض,,الخسائر ضخمة جداً و وماعدتش تفرق,,و في إنفجار غاضب و أتقي شر الحليم,,بدأ الأهالي هجوم كاسح علي حمدي و رجاله,,ضرباً و سحلاً و تمزيقاً و هنايظهر وجه الشبه بين المتباكين علي الظلمة و بين أم حمدي
أم حمدي ذهبت عن وجهها علامات القوي و الجبروت وهي تري حمدي تحت أقدام الناس و جسده النجس يتمزق,,فإذا بها تصرخ"حراااااام,,ده غلبان","المسامح كرييييييييييم",,سبوو" الإفتري وحش",,إرحموه,حاتاخدوا ذنب كالده",,""دي مش إنسانيه"الي آخر هذه العبارات التي لم تتذكرها أم حمدي لما كان حمدي بيفتري و يكبش و يجيبلها
ربنا ياخد حمدي و يكفيكوا شر أم حمدي
رضا هلال
ليست هناك تعليقات:
إرسال تعليق