لفت نظري منذ أيام معدودات خبر من إحدي الدول و المهم مغزي الخبر وليس الدولة نفسها
و كان الخبر يقول أن حكومة هذه الدولة حولت قيادات إحدي المدن بها الي التحقيق الذي أفضي الي عزل معظمهم,لأنهم لم يتمكنوا من التنبؤ ببركان قبل حدوثه مما عاد علي المواطنين بالأذي
طبعاً الخبر لم يلقي حماساً بين أبناء هذه الدولة ولا "يحي العدل" ,ولا كام قصيدة شعر في الحاكم العادل...ليه؟؟ لإنه بديهي جداً قطع رقبة هؤلاء وليس عزلهم فقط, مع العلم بأن الكوارث الطبيعية لاتزال أمرُ مباغت و يصعب التنبأ به في معظم الأحوال,,فما بالك بالكوارث الصناعية
الناتجة عن الفساد و ألأهمال و تعين أهل الثقة و ليس أهل العلم في الأماكن الحساسة و أن الجميع يعلم بقرب وقوع مثل هذه الكوارث ولكن مفيش حد بيحاسب حد,,,صحيح,حايحاسبه إزاي واحد هو إللي معينه و بيسرقوا مع بعض؟؟؟؟؟؟؟؟؟؟؟
ذكرني بهذا الموضوع أخبار قرأتها اليوم علي لسان البابا و هو يقول "أننا لا نعرف المتسبب في قتل ألأقباط",,وقد تنصل قبل ذلك الجميع من هذه الجريمة و جرائم كثيرة عامة و طائفية
و هنا لن أتسائل ليه مابنحاسبش عن اي قتل و ضرب نار و حرق مصانع و إعتقال و تعذيب و تلفيق وووو..خلال ستين سنة؟؟؟,,,لالالالا,,,ده إحنا لسه ماوصلناش لهذا المستوي,,,نحاسب!!!,مش لما نعرف مين ألأول؟؟؟؟؟؟
بس بصراحة دار في دماغي أسئلة عديدة,مثال:::طب فين الكهنة اللي بيطلعوا العفاريت؟
ليه ما عرفوش؟,,,طب فين مشايخ إخراج العفاريت برضه؟,,ماعرفوش ليه؟؟؟,,طب فين الليبرالين و الشيوعين اللي بيتكلموا بأسم الشعب؟,,ليه مش عارفين مين بيعمل كده في الشعب؟,,,,طب فين أمن الدولة اللي رجع يتنطط هنا و هناك و ظهرت بركاته في الجامعة؟؟
ما عرفش إزاي؟؟,,طب الأخوان و السلفيين المنتشرين بين صفوف المؤمنين؟؟ ,,أين فطنتهم و بصيرتهم؟؟؟؟,,,,طبعا مش حاسأل عن ألأحزاب و إلا حايبقي السؤال مكرر علي أساس إنهاململمة التشكيلة السابقة كلها,,,ولن أسأل عن الحكومة علشان أنا ماعرفش مين الحكومة دلوقت ولا قبل كده,,,أيوه قبل كده كمان علشان اللي كانت موجودة عبارة عن عصابة و عمرها ماكانت حكومة
البلطجية,الشبيحة,البلاطجة(في اليمن بيسموهم كده),المليشيات..الخ
أعجبني بيت شعر قديم ساقه بلال فضل اليوم,,ويقول:و مكلف الأشياء فوق طباعها..متطلب في الماء جذوة نار(معناه مفهوم طبعا..يامستني السمن من ....النمل,عمرك ما حاتقللي طبيخ)ء
البيت جميل وفكرني بأن من دخل حزب مكرها’لانثق فيه علشان ممكن أي حد يكرهه علي أي حاجة تانية في المستقبل,,ومن دخل يسلك أموره يعني نصاب و عنده إستعداد يلعب بالبيضة و البلد,,,,و اللي دخل مصدق فعلا إنه حايقدر يصلح من المكان ده,,زي اللي راح خمارة يتوضأ و يصلي ,و يبقي أهطل ولا يجب أن نثق فيه,,,وزعماء العصابة معروفين
و أخيرا,أحب أن أرد علي السادة الصحافين المتنطعين الذين يشتمون في ثوار ليبيا علشان قتلوا و يا عيني بهدلوا القذافي,,وأسأل حضراتهم,,هل حد إغتصب أمك أو بنتك أو قتل عيالك قبل كده؟
ربنا يستر عليك من أن يُفعل بك ما كان يفعله كلاب القذافي في الناس-ذكور و إناث- بحجرة الغولة حيث يتم إغتصاب الفرد عدد من المرات يومياً علي يد أفراد من القبائل ألأفريقية و أنت لاتعلم مافعل بهم ولابزويهم ولا تنسي أن المسلمين مزقوا أبو لؤلؤة المجوسي لأيام قبل أن يقتلوه غضباً لقتله عمر و ردعاً للمجوس جميعاً فهم قومٌ جبارين,,ولا تنسي ان علي بن ابي طالب حرق الشيعة أحياءمن الذين كفروا و عبدوه, لفظاعة ما فعلوا
إحمد الله أنك لم تمر بهذه الخبرات و لم تفتري أيضاً علي الناس بالقدر الذي لا تجد لنفسك خاتمة كريمة و بلاش فذلكة و تخلص من اوذارك و من الساعة الرولكس هدية العقيد عسي أن يطهر الله قلبك و تلقاه بأحسن ختام
رضا هلال
ليست هناك تعليقات:
إرسال تعليق