بعض الشباب طرحوا بعض القضاية القديمة جداً وليه طرحوا حاجات قديمة؟,,علشان مالاقوش رد مقنع و الشباب ده غلس شوية و مابيحبش الطرمخة و الزحلقة و بيصمموا يفهموا
الموضوع الأول:الديانة في البطاقة؟؟؟؟؟؟؟؟؟
طبعاً مفهوم لو إن الشباب شافوا إن الديانة في القلوب و واضحة في السلوك اليومي للناس ماكانوش سألوا عن أي حاجة من هذا النوع
الحقيقة انا مابجبش اجاوب بصيغة صح و غلط ولكن أحب أن أعبر عن وجهة نظري كرجل شارع و أقول اللي أنا فاهمه
الديانة في البطاقة مهمة علشان الزواج و الموت و إجراءاتهم المرتبطة بطقوس معينة تختلف من دين لأخر.لكن طبعاً مش علشان الشغل و العيشة واللي عايشنها
الموضوع الثاني:بناء الكنائس و الفرامان الهامايوني؟؟؟؟؟
اللي طلب الفرامان (قانون)أيام الخديو إسماعيل هم ألأقباط أنفسهم للحد من بناء الكنائس الأجنبية التي تروج لملل لا توافق عليها الكنيسة المصرية و جاء بصيغة "عدم بناء كنائس الا في أماكن تواجد ألأقباط المصريين فقط",و تاريخياً,اللي دفع التمن هو الخديو نفسه لأنه عطل خطط أوربا للتسلل الي مصر من خلال كنائسهم و فلوسها الكتير و ما ورائها من دعم عالمي
شالوا الخديوي بحجج غريبة و أساؤا اليه و عزل و طرد و بدأ بعد ذلك إنتشار الكنائس ألأفرنجية ولكن بسرعة أقل بسبب الفرمان إياه,,و إحتلت إيطاليا بعد ذلك أثيوبيا و الصومال و أريتريا و كان موسوليني شديد الصراحة حيث أعلن عن أن خطته هي"إعادة حوض النيل بالكامل الي حضن الكنيسة الرومانية"(عندي صور للعملات التي كانوا ينون إصدارها للحوض)المهم,,بيتهايئلي إن ضيق ألأقباط من هذا الفرمان له سببان:ألأول,,النخربة الدائمه من قبل أعداء مصر,,,والسبب الثاني:غباء السلطة المصرية و أساليبها الغير محترمة في تطبيق القوانين بحيث تجعلك تكره القانون و تكره
عيشتك كمان
الموضوع الثالث:مين احسن واحد للرياسة؟؟؟
أؤكد لكم يا سادة,إن المهم مش مين,,لكن المهم هو إيه العلاقة اللي حاتكون بينا وبينواممكن نحط بعض النقاط الموضحة
عايزين منه إيه؟
إيه هو البرنامج بتاعنا إحنا مش بتاعه هو؟؟؟
إزاي نلزمه بتحقيق طلباتنا؟؟؟
إزاي نساعده؟
إزاي نحاسبه و نمشيه لو فاشل من غير مشاكل؟؟؟؟؟؟؟؟
أعتقد هو ده المهم
و الكمالة بعدين
رضا هلال
ليست هناك تعليقات:
إرسال تعليق