المفروض الواحد ينزعج لما تصادفه مواقف صادمة غير متوقعة,,لكن لما يكون مشارك في صنع الموقف,يبقي مش من حقه ينزعج و يعمل الشويتين إياهم
مين اللي بيعمل الشويتين إياهم؟؟؟,,,قصدك إيه؟؟؟
ياسلام علي الأستنفار و التحفز و الصحصحة,,يا رب دايماً..
أقول لسيادتكم,,الحق دايما واضح و دايما حكاية "ما حدش فاهم حاجة" بتدل علي وجود محاولة هروب من المسؤلية,,,صحيح,ابقي مسؤل عن أي حاجة إزاي؟,ماهو ماحدش فاهم حاجة,,وانا مش أحسن من الحد اللي مش فاهم حاجة
لكن المشكلة الكبيرة بتظهر بعد كده,,بتظهر بعد ما نصحي من غيبوبة السلبية,ونلاقي حد تاني نايم علي سريرنا و حد تالت راكب علي ظهورنا,,,,و يا إما نتصدم و نلطم و نلوم أي حد الا أنفسنا,,أو نستمر في مسيرة "ألأستهبال",ونطرح أسئلة من نوعية"إيه اللي بيحصل ده؟",ليه يارب بيحصلنا كده بس؟",,,و مفيش مانع نذكر بعض بأحلي كلام كنا بنقوله لبعض علي سبيل التشجيع طبعاً""أنا مش قلتلك قبل كده ميت مرة مفيش فايدة؟؟"",,"يابني خلاص خربت","هو فيه حد يقدر يعمل حاجة!!!!","و "يا عم الناس بقت وحشة"ده علي إعتبار إن المتحدث مش ناس ولا حاجة
أيها السادة سبب هذا اللت,تسلسل الأحداث و منطقيتها,,ضربات متتالية من مليشيات التنظيم السياسي السري التابع للنظام(مشابه لتشكيلات التنظيم السري الطليعي ايام عبدالناصر ولكن مع دعم أقوي و أخطر),,يتبعها إرتفاع أصوات الفلول مع دعم إعلامي مية,مية,,,تزايد إطلاق الرصاص ليلاً بغرض الترويع علي كافة أنحاء الجمهورية مع دعم امني محترم جداً,,فتن طائفية شديدة الدموية مع معالجات مؤذية جداً,,تهديد بقط قبلي و بعد كده بحري كمان و التهديدبإحتلال المحافظات و مديريات ألأمن مع طناش كبير قوي مع إن في قانون و قانون طوارئ,,إبداع حوالي 11 حزب للفلول و الإنتشار في أروقة أمن الدولة و الدخول في شراكة مع حزب السيد بدوي(الوفد سابقاً),,الهجوم الشامل علي لجان الترشح لعضوية أي حاجة و ألأنتخابات أولا و بعد كده حايفهمونا غلطنا,,,نجاح رئيس جامعة القاهرة في الأنتخابات و ربنا يعلم قد إيه كتبت هنا و نوحت و زعقت,,"""الوقت بيمر بدون إصلاحات علشان الفلول تظبط نفسها برواقة و ترجع من الباب و الشباك و من كل حتة",عفاريت أمن الدولة تظهر بس مش فجأة والله,,هي فجأة بالنسبة لحضارتكم لكن علي مابيتلملموا و يركبوا أو يمشوا لحد مكان بتوع سلمية الدنيا كلها بتعرف,بس برضة الدنيا كلها بتتفاجئ ,"إيه ده,,جم منين دول"",أصل التفاجئ ده حاجة بشاواتي اليطة قوي ,ربنا يديم عزه علي الباشاوات,,,و مبا يدخلوا المشهد و إضرب في الجيش و الشعب بإيد واحدة,,والعسكري يطلع في التلفزيون يعيط و يقول:"غدروا بينا والله"صحيح يابني غدروا بيكوا,,بس مين بالظبط اللي غدروا بيكوا,؟؟؟؟؟؟؟
كل الناس عارفة مين ,بس الأفراد المجندين دول لسه ما عرفوش,,وربنا يستر
الوضع مش حلو,,وكلنا متواطئين بكراهيتنا لبعض,لعدم مساعدتنا لبعض,لعدم سعينا لحل خلافتنا مع بعض,,في الوقت اللي فيه الملشيات"البلطجية"و الفلول و أمن الدولة وغيرهم من اللصوص و الممولين الكبار ,,,متحدين,,متعاونين,,,متصاهرين-هل تعلم ان واحد من الكبار بتوع حسني مالوش في الحريم و مع ذلك متزوج تلاتة رسمي و واحدة عرفي في الأسكندريا؟؟
ليه؟؟لو بصيت لقيادات الدولة المباركية,حاتلاقيها كلها مشبكة في بعضيها جواز,,بزينس,كله إيده في إيد اخوه,,طب إحنا؟؟؟,,,إحنا بقي كنا قربنا نولع في بعض,لكن ربنا إدينا إختياران دلوقتي,,,,يا نبقي محترمين و نحافظ علي نفسنا و مصالحنا و كرامتنا,,,,أو ربنا يبعتلنا-بعتلنا خلاص- اللي يولع فينا
التطبيق العملي للكلام ده,,التصالح مع ألأقارب و الجيران,,مانتاش عارف مين حايربي عيال مين؟,,الإتحاد و بقوة في مواجهة الظلم و الغش و أي إبن كلب,مانسيبش صاحب المشكلة لوحده فيدهسوه,,ونساعد بعض و الإتحاد والكلام ده زي الجمعية.لازم يجيلك دور تدفع و يجيلك دور تقبض,,,,,أخي العزيز,,هل تفضل الصحوة والكرامة ولا تستناهم يجوا يولعوا فينا كلنا؟؟؟
رضا هلال
ليست هناك تعليقات:
إرسال تعليق