معني العنوان ده,إننا لو فتحنا قزازة برفان محترمة حايطلع منها ريحة جميلة جداً,لكن لو فتحناو العياذة بالله,,إحدي بالوعات الشارع حايطلع منه ريحة مش جميلة جداً و فران و صراصير و بلاوي كتير
سبق إننا دردشنا كتير بخصوص ما قد عملت النظم السابقة و خلال ستين سنة علي غرسه في نفوسنا ألا و هو أننا ولاد كذا,وإننا ناس مش كويسين,ولكن مع التأكيد علي أن الزعيم هو المقدس ألأوحد و أفراد عصابته هم اسيادنا و طبعاً مش زبالة زينا ,ووصل برنامج تدمير الذات المصرية هذا الي قمته في عهد حسني و كلابه السعرانة و تأكد بالأدلة المباركة إننا ولاد...و إن أي حد من ريحة بلاعة حسني هو الخير و البركة و الباشا,و كان الضحية المباشرة لهذا البرنامج مش إحنا,لكن رجال الشرطة اللي اصبحوا زي الأرجوزات و مخهم ضرب تماماً و فسدت روحهم و نفوسهم و ذممهم و حياتهم ألأجتماعية و تحولوا الي كابوس حقيقي للعائلة المصرية و بقوا فعلا زي عتريس الأهبل بتاع فيلم شئ من الخوف و هو بيجري في شوارع القرية و يصرخ في وش الغلابة بقوة لأخافتهم "أنا عتريس"و كل مايقابل حد من كلاب عتريس الحقيقي,ياخد المسكين قفا متين يلوح رقبته و يرجع تاني يبرطع و يصرخ"انا عتريس,انا عتريس..إنت مش عارف بتكلم مين"؟؟
بالأمس إستضافت قناة "سي بي سي"سهير البابلي , إتكلمت شوية كويس علي شوية تهييس ولكن ما أغضبني منها قولها و تأكيدها علي إننا كلنا وحشين!!!
منطق غبي جداً,جداً و يشجع الناس إنها تهين بعض و تستحل دم و مال و عرض و أرض بعض,,منطق لا و لم تعممه السينما المصرية في ألأفلام التي تدور في بيوت الدعارة و قدمت ولازالت تقدم لنا المومس الطيبة و الداعرة الحنينة و القواد الجدع و الحرامي الشهم,لكن الناس
العادية اللي زينا إحنا و عيالنا و حريمنا,فا و بشهادة أمثال إيناس الدغيدي و الحاجة البابلي و الإعلاميين ""الشرفاء" و فيفي عبده و مديحة الكويتي و مدير أعمالها سيد الناعم, فا إننا كلنا مش كويسيين!!!؟؟؟ حسبنا الله و نعم الوكيل
لما المذيع سألها عن مشاكل منطقة الفيلا اللي قاعدة فيها وليه بتتكلم عنها بعد الثورة قائلا لها"مع إنك سهير البابلي الشخصية العامة الشهيرة؟؟",,كان ردها "ما هو الأول كان ممكن يحبسوناويبهدلونا",,وقبلها بشوية كانت بتمسخر الشعب كله علشان كان ساكت علي الظلم و بكده هو -الشعب يعني-شريك في الفساد!!!!,,تناقض مش كده؟,,يعني الحاجة خافت تتكلم لحسن تتبهدل و تتحبس مع إنها كانت من اللي علي الحجر,ولما الناس الغلابة سكتوا بقوا سلبيين و متواطئين و هم كمان شركاء في الفساد اللي كان حاصل,,سبحان الله ولي الصابرينن
هكذا حكمونا ,زهكذا سخطنا و يجب ألأن أن نصحوا و نفهم و نتوقف عن ترديد مايقولوه أمامنادون تفكير,,وإلا فلن نستحق أرض ولا عرض و يكون مكاننا عبيد لأي نصاب او خائن يحول بلادنا الي تايلاند أخري,دعارة و شذوذ و فقر و مرض,,وإيه المشكلة؟..ما كلنا ولاد.....ء
إفهم يا أخي المصري,إن من يعمم حكم علي الناس كلها بالطيبة و الذوق..الخ,,و طبعاً مش ممكن يكون كل الناس كويسين,لكن علشان عمم حكم محترم ,ماذا تقول عنه؟""راجل طيب و إبن حلال",نفس الشئ يا أخي,لو أنه عمم حكم سئ بدون تمييز,ماذا يجب أن تقول عنه"إبن كذا و تكلم ال....,تلهيك,واللي فيها تجيبوا فيك",وتقلع الجزمة و تنزل بيها علي دماغ اهله
نصحي بقي و بلاش هبل و نخلي بالنا من إعلام صفوت الشريف و ما أدراك من هو صفوت الشريف
رضا هلال
ليست هناك تعليقات:
إرسال تعليق