بعد أن تأكدت من أدب و ذوق حضراتكم,قلت أنتهزها فرصة و أعيد كلام قلته قبل كده و طبعاً أخلاقكم العالية حاتمنعكم من الإتيان بردود أفعال شريرة
شوية قديم علي الماشي
أولاً:فاكرين من شهور لما قلتلكم إن ألأخوان والسلفين مش حاتدوم عواطفهم الدافئة مع المجلس,وإن الإخوان بالذات مدمنين أخد مقالب و حداقة خايبة و بعد و تعالي علي الناس و علشان كدة بيتغدر بيهم دايماً؟؟؟
ثانياً:فاكرين لما حكيت لكم عن ألأحزاب ال لامؤخذا "مع...ارضة"و كيف أنها خرجت من بطن الأتحاد الأشتراكي و الذي هو أفسد مؤسسة
ظهرت في عالم السياسة لا ينافسها إلا البعث السوري و تحول الجميع,الإشتراكي و الأحزاب إياها الي الوطني و شركاه ليمتد ..الي ألأن؟
ثالثاً:فاكرين لما قعدت أزن و ألح علي أهمية الدستور أولاً علي أساس إن لو ألأنتخابات أولا يبقي لعب من غير خطة و مش حانبقي عارفين ننتخب إزاي و مين و علي أساس إيه و إيه إللي عايزينه من الأخ المرشح و حانحاسبه إزاي و نشيله إزاي لو طلع نصاب؟
رابعاً:فاكرين لما تخيلت معاكم محاكمة حسني و عصابته بقوانينهم اللي هم حطوها من زماااااااان,,كما لو إننا بنلعب كوتشينة مع ناس
مش كويسة بالورق بتاعهم اللي هم جايبينه و معلمينه؟؟؟؟
خامساً:فاكرين لما حذرت المجلس من أن يشتري خواطر من لا آمان لهم لأنهم سوف يغدرون به أيضاً؟؟
سادساً:فاكرين لما حذرت من البناء علي المستنقع قبل التطهير و إن الإنتخابات علي المستنقع كارثة؟؟
سابعاً:طب فاكرين لما حذرت من الغدر بالثورة و الثوار و إن القبض علي الثوار و تشويه سمعة الأخرين و تحيد روح الثورة و الضغط علي الناس بالغلاء و الإعلام القذر من تاني ,من شأنه إعادة مصر الي سيناريو ثورة الجياع و إنهيار المؤسسات بالكامل و الحرب الأهلية وصولاً لتحقيق خطة التقسييم ألأمريكية الصهيونية؟؟
أيوه,,أيوه...‘عارف والله إني قلت الكلام ده قبل كده,,بلاش العصبية دي ,,أنا عارف إن حضراتكم فاهمين كل حاجة والله,بس قلت ندردش مع بعض يعني,,, طب سلامو عليكم
رضا هلال
ليست هناك تعليقات:
إرسال تعليق