المجتمع المغلق الذي يتقوقع فيه الناس الجامدة قوي,و مافيش حد يقدر يقلهم الدنيا ماشيا إزاي؟ولا الحالة هباب,,ليه؟,لإن لو حد صارحهم بالمشاكل,حايكون ردهم""أكيد إنت السبب,لو بتعرف شغلك كويس ماكانش حصل كده,,إنت وش فقر,,أخبارك زي وشك,,إنت مش فاهم حاجة ده كل حاجة زي الفل بس انت اللي "دونكي"و هكذا ينعزل المحترمون عن مجتمع هؤلاء المغفلون ,فيظهر علينا السادة الكبار بكلام ما أنزل الله به من سلطان,تحتار في فهمه كما لو أنه غيط بتنجان
من شوية طلع السيد اللواء,المتحدث عن المجلس ضارباً واحد تصريح يقطع القلب,,"لايصح ان نعامل الجيش بنفس التخوين الل كنا بنعامل بيه نظام سنسن و إحنا مش إمتداد لنظامه""!!!!!!!!!!!!!ء
ياسيادة اللواء,يصح إيه و مايصحش إيه,,,هو إنت نسيت إن المجلس حصل علي أعلي نسبة تأيد حصلت عليها مؤسسة أو أفراد عبر التاريخ-حقيقة سياسية مش مبالغة- في العالم و إستلموا البلد بشعب "واثق" فيهم جدا,و بإيدهم سلطات الرياسة و المجلسين الشعب و الشوري؟؟؟؟؟؟؟؟؟؟
هو مين اللي غدر و شرا خواطر حسني و كلابه وشهد زرو و ناقض نفسه علناً مضحية بسمعته و بسمعة المؤسسة التي يرئسها؟؟؟
هو مين اللي ساب بلطجيتها علي ناسها ووقف يتفرج؟؟؟؟,,,هو مين اللي رجع كلاب حسني لأماكنهم معززين مكرمين؟؟؟؟؟
هو مين أللي عطل خطط الأصلاح حتي لا تنسب أفضال للثورة؟؟؟؟,,,,هو مين اللي تواطئ مع شفيق في موضوع موقعة الجمل و كان عارف كل حاجة و سابنا نموت قدام عينه؟؟؟,,,,هو مين اللي إعتقل ظباطه علشان ماستحملوش يشوفوا اللي بيحصل و تعاطفوا مع الثوار
و القانون بيقول"العسكري ما يتدخلش في السياسة"",,,هو مش القانوت ده برضه ماشي علي كل العسكريين؟؟؟؟
ومين اللي ساب المطارات و المواني يطلع من المليارات و الأثار و الكلاب الحسنية؟؟؟؟؟
ركز شوية وبلاش يصح و مايصحش علشان إنتوا ضربتوا الرقم القياسي في عمل الل مايصحش بجد
بالنسبة للعسوي لسه برضه من شوية هابد واحد تأكيد علي إن الغاز حلو قوي ومش خطير ولا حاجة و إن أفراده ماضربوش رصاص
حي ولا حاجة-بالرغم من وجود مئات الفوارغ مع الناس و أنا نفسي مصور فارغة آلي بعد إطلاقها و أحد الثوار لها-,لكن الباشمهندس
عيسوي,بيقول و يؤكد إنه مفيش حاجات من دي!!!!!,,,,,أنا ماعنديش تفسير إلا حاجة واحدة فقط لكلام العيسوي,إذ ربما يكون من الخمسة في المية المعوقين ذهنياً إللي بيستوجب القانون تعينهم,,,بيتهايئلي كده والله أعلم
كل البلاوي دول مابيعرفوش الناس بجد بتفكر إزاي و بيرتكنوا الي تنميطات محددة ضيقة و ده شكله إبن ناس و ده شكل إبن مش عارف إيه,و شوية علب و قوالب مالية دماغهم و مش سايبة أي مساحة للفهم الحقيقي
ماحدش فيهم بيقعد علي القهوة البلدي حيث التشكيلة الضخمة من الناس,,ولا بيختلط بشكل سلس بجيرانه و أهله,,لالالا,,طول الوقت إجتماعات و زيارات رسمية و ألأنغلاق التام علي دائرة المستشارين المحدد لهم سلفاً يقولوا إيه و مايقولوش إيه,,يعني كل مايطول الواحد فيهم في منصبه,تزداد الرؤية عنده ضبابية , الدماغ تزداد تأكل,,ولا يتبقي من مواطن قوته إلا لسان يرص كلام في الهجايص لا يصدقه إلا هو فقط,وطبعاً لو الناس تعبت منه و إنفجرت في وشه,يتخض و يزعل قوي من الناس الوحشة دي إللي مابيتمرش فيهم!!!!ء
لو إن الناس الكبيرة دي مصدقة فعلاً التهييس اللي بيقولوه كل شوية,يبقي كلنا رايحين في داهية و ربنا يستر
رضا هلال
ليست هناك تعليقات:
إرسال تعليق