الحمدلله

فعلا,من شاف بلوة غيره,هانت عليه بلوته,,الحمدلله

إيه بقي الحكاية ياسيدي؟؟,,الحكاية إننا كنا زعلانين علشان بنشم غاز حارق سام بيبوظ القلب و الأعصاب و الرئة و الكلي,,لكن ولا حول ولا قوة إلا بالله لما الواحد شاف ناس تانية,يظهر بتشم حاجات تاني بتدمر المخ اللي ربنا ميز بيه بني أدم,,الواحد شكر ربه علي نعمة السي أر

كل ما أجازف و أسمع التلفزيون بتاعنا ولا الإذاعة و أسمع السادة الجامدين قوي بتوع ألأحزاب السيكو سيكو و شباب المستقبل إياهم ماركة"احمد ظبايدر أبو حواجب و حلاوة,حبيب القيادة و معجرة القرن-نسبة الي قرني-تيفة عكاشة",وهم بيقولوا علي مليون و تمنميت ألف-حب إحصاء جوجل بالمسح الفضائي بالقمر الصناعي-""إن مش معقولة خمستلاف واحد في التحرير يفرضوا رايهم علي البلد,,,- خلي بالكوا أنا ماقولتش كماإن المليون و كذا دول و را كل واحد فيهم علي الأقل عشرة مؤيدين إيجابيين مستعدين للمشاركة لو أزفت ألأزفة-,,و كذلك من يثقون في أحزاب الكباريهات مثال الوفد الحالي ملك السيد البدوي و شركاه,ويظنون إنه ولامؤخذا معارض,,طب إزاي أبو السييد معارض لحاكم ظالم و نظام فاسد و قدر يعمل في عهدهم شوية مليارات و شركتين أدوية و شوية قنوات تلفزيونية؟؟؟؟؟؟؟؟

طب ليه الفريق سامي -حسب مانشر اليوم بالشروق- ساب الدنيا كلها و إتصل بالسيد بتاع الوفد بالذات و """""وطمنه علي العملية الأصلاحية للأوضاع الوحشة دي و منع الداخلية من ضرب المواطنين....الخ""""",طب إشمعنا البدوي ده؟؟؟؟
طب ده الوفد ألأن أصبح مقلب كبير لتجميع الفلول و العصابة القديمة,,ليه كده سيادة الفريق تطلق لنفسك العنان في العك ده؟؟؟؟

نبقي في شارع محمد محمود طول اليوم و الشباب يجيبوا أخبار من التلفزيون علي الموبيلات بتقول علينا بنضرب خرطوش و غاز,ده اللي هو إحنا,,ششششش,,عيب التعليقات الوحشة و ألأصوات اللي بتصدر من الصف اللي هناك ده-علي الشرطة!!!!!ء

وناس تانية تقولك الجيش حمي الثورة,,حمي الثورة من إيه لامؤخذا,,وهو لو ضرب كان كام في المية من رجالته حاتنفذ و كام لأ؟؟؟

طب اللي عملوه بعد ماوثقنا فيه من يوم 11 فبراير...عودة حرق الكنائس,رفع أسعار,عدم السيطرة علي ملشيات حسني و كلابه,سرقة 22,000 سيارة-ده لو 22,000 فردة جزمة كانوا عرفوا فين و جابوهم-,تخبيط التيارات في بعض,غعتقال 12,000 الف أو اكثر من أبناء الثورة ولم يفرج عنهم الي ألأن و قد تم القبض عليهم خلال الثورة يناير و فبراير لو سألت يقولولك"بلطجية""’,طب ليه مابقبضوش علي البلطجية بتوع بعد كدة؟؟ولا البلطجة كانت في يناير و فبراير بس؟؟؟؟

تشويه سمعة شرفاء 6 إبريل و غيرهم و سحان الله,لجان تقصي الحقائق أثبتت برائتهم أخيراً,بس بعد ما تم تقيد حركتهم مدة طويلة

في عهد المجلس خرج وزراء حرامية محملين بالدهب و الأثار المسروقة,,,و خرجت المليارات التي كانت متبقية,,و المجلس و شفيق سابهم يعدوا,,,في وجود الجيش قامت دباباته بفتح الطريق لبتوع الجمل الحاملين للسنج و دخلوا بسلام الي الميدان ليقتلوا الشباب
أمام رجال الجيش اللي حمي الثورة!!!!!!!!!!!!!,,,وكذلك تم تعطيل كل مشاريع الأصلاح ألأقتصادي التي كان من شأنها تخفيف العبأ علي الناس و تم إقالة كل من تقدم بمشروع عملي مفيد للناس حتي لا ينسب أي فضل للثورة , و اصغر عيل في الشارع لقط الحكاية دي بسهولة و بلورها في سؤال جميل:""هو يا عمو مش الناس الوحشة اللي كات بتسرق الجمراك و الضرائب و فلوس السويس,وبتاخد أتاوات علي الناس و الشركات,مش الناس مشيت؟؟؟طب ياعمو ليه الحالة لسه هباب و بتزيد؟؟؟ هما خدوا القنال معهم؟؟؟"""و طبعاًهذا مجمل مايتداوله الشباب من خواطر ,,ألأجابة عليها مش عندي,,عند عمو بتاع المجلس بس ياأولاد

ياسلام بقي علي المفتي و ألأزهر و الأخوان و الكنيسة,,,كلهم بيطرقعوا أحلي تهييس من الشيخ و القسيس و ما فيش مشاركة ولا تحرك إيجابي,,وده بيكشف راسه في السيدة زينب و يلطم و التاني بيكشف راسه برض عند السيدة العدرا و زعلان قوي,وكل شوية بيان من هنا وبيان من هنا و هيييييييييه

طبعاً أعزائي و بعد تأملي للحوارات دي أيقنت إن الناس الطيبة دي العظيمة دي كلها بتضرب أصناف مالهاش حل, شديدة التميز و سمعني نشيد بودعك

فعلا من شاف بلوة غيره هانت عليه بلوته,و ربنا يشفي و يهدي

رضا هلال