يتفضل بالتواجد في قائمة المفضلين للمراسلة عندي مجموعة من الأدباء الصحافين المحترمين و بالرغم من أنني لم أقابلهم أبداً ولكن و بالمنطق الفلسفي بتاع الباشمهندس أفلاطون "تكلم حتي أراك"",, فقد تكلم الكثيرون خلال عشرات السنوات الماضي و رآهم الناس من كلامهم,, وطبعاً إنتوا عارفين,,,أكثر من تحدثوا في العهد البائد وبعضهم لسّة له عين يتكلم من نوعية توفيق عكاشة و من سبقوه من نوعيته و قد كرمهم الشعب بوسام ت.ل.ك...,إيه ,, مش عارف إيه ده؟؟؟,,, ده وسام جامد قوي و معني الأختصار "تفافة لكل كلب" و ده لا يحصل عليه الشخص إلا بكفاح مرير و تضحية بكرامته و كرامة المدام و الماما و لازم يكون الشخص مستعد لعض أي حد إذا أمره حسني أو صفوت أو أي حاصل قديم للوسام أياه,,,, الناس التانية و العياذ بالله , هم الناس المحترمة اللي بتنبسط لما تتبهدل علشان كلمة حق وممكن تستشهد علشان كلمة الحق دي وهي فرحانة و سعيدة لأن ربنا ماخلاهاش من أصحاب الوسام إياه
سؤال: طب عرفت منين إنهم ناس كويسين؟؟؟؟,,,, يا كابتن ,ما أنا لسه قايل لسيادتك,,, من كلامهم ومواقفهم اللي بيصمموا عليها و لم أضبط أي منهم ماشي بصاجات أو بطبلة ورا واحد من الباشاوات ولا بالوسام ت.ل.ك
و هؤلاء الناس -و إختلف معاهم وأتفق زي ما انت عايز, و في الحالتين حاتلاقيهم برضه ناس محترمين - و أساميهم موجودة في قائمة المراسلات
نوارة نجم,, وائل قنديل,, معتز حسين,, عمر سليم,, عمر طاهر,, بلال فضل,,,,,, النهاردة حاضيف فرد حراسة آخر من حراس الوطن الشرسين اللي هم زي معظم المصرين, ممكن يموتوا,, بس مايحنوش راسهم,, وهو أسامة غريب,, وأوصي بقراءة مقاله في التحرير
يوم الخميس 24/11 كعينة و اللي يعجبه الشغل , يبقي يشرفه بقراءة مقاله
إقتراح من الدكتور صلاح هلال,برفع مستوي الوسام الي أن يكون من درجة ت.ك.ل.ك بحيث
يكون"تفة كبيرة لكل كلب",و هذا يدل علي مدي طيبة قلب الدكتور و حرصه الشديد علي أن يحصل كل علي حقه تالت و متلت في التقييم كما حرصوا هم علي الحصول علي ماليس من حقهم من المواقع و ألأموال,و بهذا و بناءاً علي إقتراح الدكتور يحصل هؤلاء علي مايستحقونه فعلاً
رضا هلال
ليست هناك تعليقات:
إرسال تعليق