سيادة المستشار عبدالمعز إبراهيم,رئيس اللجنةالعليا للإنتخابات بيقول:"اللجنة مش حاتستبعد اي مرشح,وعلي الناس ألا تنتخب الفلول",,و قال كمان :"إحنا عارفين إن فيه ناس تامية جالها تمويلات مريبة"",,طيب ياسادة ياكرام تعالوا نفنط الحوارات دي
أولاً:مش حانستبعد دي معناه التغاضي عن بلاوي كتيرة لناس كتيرة و السماح للحرامي يرجع يمسك الدكان تاني
ثانياً:إسقاط فكرة القدوة الحسنة و عقاب المذنب و اللي مش عاجبة يشرب من الحنفية و يتسمم
ثالثاً:عدم إنتخاب الفلول إزاي و هم اللي ماسكين كل حاجة و عاملين ملايين المشاكل للناس مخصوص و حرمنهم من حقوقهم علشان يقايضوهم عليها أصوات و رشاوي و تسلط و قلة أدب
رابعاً:فيه تمويلات غريبة لناس تانية و....,نظام لا تقولي ولا أقولك,وبلاش نفتق لبعض!!!!!,,,,ودالموقف ده فكرني من أكتر من تلاتين سنة و أثناء مروري بأحد ألأحياء الشعبية المجاورة للحي الشعبي الذي أسًكن فيه,شاهدت وصلات ردح بين سيدات من النوافذ و كلام وحش جداً,,ثم خرجت واحدة من إحدي النوافذ يبدو عليها أنها أكبرهم سناً و أكثرهم حكمة موجهة كلامها لأعلاهم صوتاً و بلهجة حازمة قالت لها:"لمي نفسك يا صابرين,ده أنا لسه شايفاكي في بير السلم مع أحمد"...طبعاً صابرين سكتت
و عليه أيها السادة,تقرر علي مايبدو تجميع نخبة من نوعية صابرين علي أساس اللي نعرفه أحسن من اللي مانعرفوش لخوض إنتخابات ذات شكل معين و نسأل الله أن يتدخل وإلا ضاعت مصر تماما المرة دي
الخبر الثاني:وثيقة السلمي,,فعلا إعجاز علمي,,,تجبها كدة تبقي فوق دستورية,,تجيبها كدة تبقي تأسيسية,,أما لو جبتها كدة وكدة تبقي بعون الله""""إسترشادية""",,ولا سحر ولا شعوذة
بالذمة يرضي ربنا كده,,,,أعتقد ترضي ربنا دي مش فارقة معاهم قوي,,,إذا كان مش فارقة مع من يدعون التدين و بيلعبوا بكلام ربناوبيتوهوا الناس عن ألأولويات كما لو إن الشعب كله قاعد علي البلاج و المشكلة في المايوهات و الدقن ووووووو.كارثة مش كده؟
الخبر الثالث:تأكيدات المجلس علي إنه ماكانش فيه تعليمات بضرب الناس,,,,,بس إحنا سمعنا سيادتكم قلتوا إن كان فيه تعليمات و كتير من الناس عنده الفديو,,و فيه بلاغ للنائب العام في شهر فبراير مؤسس بمعلومات بمتن ملف سمي"إرادة" حسب تكويد الرياسة و يحتوي علي تعليمات الضرب,,,,,,طب مع الوقت المستخبي بيبان و الناس حاتحكي و تقول ايه اللي حصل قدامهم و هم في الخدمة,,,ليه كده بس؟؟؟؟؟؟؟
الخبر الرابع: هو ثبوت أن شهيد طرة كان في داخل معدته مش 6 لفائف ولكن ستاشر-الشروق- و طبعاُ فيه شاهد ,زميل ليه شاف واحدة بتديهمله و هو في المحكمة ,قام بلعهم!!!!!!!!!!!,,,,,طب أقول إيه؟؟؟,,,,العسكري كان فين؟,,أخد ستاشر لفافة متنوع من غير ما حد يشوفه غير الزميل إزاي؟؟؟؟,,,طب بلعهم إزاي و برضه من غير ما حد يشوفه غير الزميل فقط؟؟؟؟
مش عارف إفتكرت ليه علاء عبد الفتاح و هو طايح في الجيش و قتل و حرق و إستولي علي مدرعة و دهس 12 و إستولي علي عددأربعة آلي و لفهم في قماشة و شافته الصحفي حنان بس و بعدين رماهم في النيل - مش المدرعات,, الآلي- و مشفتوش المرة لكن شافه صحفي تاني من ألأهرام!!!!!!!!!!!!!!!!!ء
حاجات بايخة و إنتحار مؤسسات فعلاً بتجاهلها العدل الذي هو قوة عظيمة و تجاهلها الشعب و التعامل معنا علي اننا معيز, الأحترام
قيمة متبادلة لا تفرض علي الناس,إحترم نفسك,الناس تحترمك وبلاش الأسلوب ده,,الظروف المرة دي لن تمهل أحد
رضاهلال
ليست هناك تعليقات:
إرسال تعليق