شخص متحمس يسأل,,,طب ما المعابد التانية برضه فيها سبوبة علشان البركة,إشمعني "ست" راح له برضه ناس مع إنه شرير؟
سؤال كويس و إجابة سهلة بعون الله
شوف و إتخيل إنك كلمت صديق عزيز و عرضت علي الذهاب الي ملجأ أيتام و شراء حلوي و لعب لهم و خصوصاً إن صاحبك ده ربنا كارمه و أصبح من الواجب عليه أن يتصدق
صاحبك غالباً حايوافق ماهو أكيد أصحابك زيك محترمين,,بس غالباً برضه حايقلك "أسبوع كده ولا أسبوعين لأني مش فاضي أهرش"و
حقيقةً انا مش عارف إيه علاقة ألأنشغال بالهرش كما لو إن المشغولون قومٌ جربانين,,,,,,,,ما علينا,,,تخيل بعد ماسيادتك نزلت من عنده
إتصل بيه باشا من الباشاوات و قاله"النهاردة باليل تعدي علي مكتب الباشا الكبير في الدقي تسيب شيك ب 50,000 بإسم الباشا,وتروح
من برة برة لمكتب الحزب في بني سويف علشان فيه مؤتمر و تسيب هناك شيك ب 20,000 تبرع للحزب و إنت راجع تعدي علي مؤتمر المدام الكبيرة و تسيب تبرع 10,000و خد شمال علي مكتب جيل المستقبل وتسيب هناك 3 لاب توب و 5 أي فون,,,و الساعة تلاتة صباحاً تعدي عليا في المكتب لأني زهقان شوية
تفتكر حايقولوا كمان أسبوع أو أسبوعين,,ممكن لو عنده كرامة و مش فارقة معاه الدنيا منغير كرامة لكن في أغلب ألأحوال حايجري علي ملا وشه و ينفز التعليمات و طبعاً مش حايتبقي فلوس للأيتام و لا لتطوير الشغل ولا لأي حاجة بعد ما إستسلم للجراد, خسر فلوسه و كرامته,,,وده ليه ؟لإنه بيخاف من ست و رجالته و هم مابيخفاش من ربنا و حايسببوله أذي إن عاجلاً أو عاجلاً ,فلا أمان لست و أعوانه
رضا هلال
ليست هناك تعليقات:
إرسال تعليق