دائماً أحاول توضيح بعض ألأمور و تصبح مسئلة التوضيح أسهل عندما تظهر أحداث و أقوال جديدة علي الشاشة
مقالة اليوم لها علاقة بمقال قديم كتبته و أعدت نشره عليكم مرات عديدة-حاجة تزهق مش كده؟-,و كان إسمه "إنتهي الدرس يا غبي",بإستعارة إسم مسرحية لمحمد صبحي الذي أوهمنا بأنه معارض متوحش و كذلك فعل دريد لحام و غيرهم ممن سخرواو إنتقدوا النظم الباغية و ساعة الجد ظهرت حقيقة المأمورية أنها تنفيث عن الناس و ضحك علي الدقون و تثبيت المعارضةالحقيقية و السيطرة عليها و تحجيمها في حدود التهريج و التريقة و الكلام ما علوش جمارك و قالي و قلتله و أحلي كلام
ساعة الجد ياسادة,قلعوا الجزم -الفردة الشمال- و علي دماغ الثورة و الثوار فوق الحزام و تحت الحزام
اللي مش فاضي يرجع للمقال,المختصر المفيد,,هو إن الحكومات المش كويسة بتأجر شوية ناس يلعبوا دور المعارضة و شبهت دورهم باللي يشوف حصان بيجري و عايز يعطله و يشل حركته,,مابيقفش قدامه لكن بيجري جنبه و يشجعه و الله ينور و شد حيلك يابطل لحد مايوصل لسرعة الحصان و يكون الحصان كمان إطمن له و واحدة واحدة يمسك اللجام بتاع الحصن,,يشد يبطئ,يوقف الحصان و يوقعه علي ألأرض
حد يسألني ياكابتن,طب لو الناس دي نيتها كويسة كان المفروض يتصرفوا إزاي؟؟؟
أقولك,,كل واحد فيهم في مكانه يتحرك للدفاع عن الحق و خصوصاً أن تحت إيديهم أدوات و إمكانيات كتيرة جداً وذلك بدون الجري جنب الحصان ولا محاولة ركوبه,,بعملوا فقط علي حماية مسيرته و يأمنوا وصوله الي بر الأمان
النهاردة يظهر شكل خطير لهذه المكيدة و الخيانة الحقيقية,وتوزيع ألأدوار.بعد ترويع الناس لفنرة طويلة-أكيد وصلت لهم تقارير بتقول الناس إتهدت-يظهر شفيق النهاردة و يقول:"مصر محتاجة موقف رجولي"",,كلام فارغ فعلا,,لو صدق النية لماتواطئ علي قتل الشباب يومي موقعةالجمل و إختفي هو أيضاً ليومين ربما ليدير هذه الفعلة و التي من المستحيل الظن بعدم معرفته بها مسبقاً فهو رئيس الوزراء و مش أي رئيس وزراء فكل من له علاقة بموقعة الجمل له علاقة أيضا بشفيق و الحزب و رجال ألأعمال, يعني خرجت من نفس المكاتب,,لو كان حسن النية لقبض علي حسين سالم و رشيد و غالي و علي الثروات التي خرجت في و جوده,,,ليس شعار مواقف رجولية و لا حريمية هو المطلوب,المطلوب منه أن يسحب ملشياته و مليشيات رئيسه الذي لم يستقيل رسمياً ولا كتابتاً الي ألأن ثم يسحب نفسه أيضا ليجنب مصر خطره و خطر رجاله
توزيع الأدوار يظهر في نفس التوقيت,فيظهر إبراهيم عيسي مع وائل الإبراشي-المعارضبن الشرزين بالقوي-ليدافعوا عن الفلول وعدم التعصب للثورة حتي لا تصبح الساحة للثورة فقط!!!!!!!!!!!-إدوني أمارة علي وجود حقيقي للثورة في عالم السياسةفي مصر الأن-,,,,المهم زاد عيسي بتأكيده علي أهمية دخول الفلول الأنتخابات و """""الشعب يقول كلمته"""",,ء
سبق إني أوضحت إن الفلول لازم يكسبوا لأنهم و رجالتهم لايزالوا في كل مواقع الدولة و ماسكين الناس من مصالحهاو بيتبعوا معاهم سياسات التجويع و إقفل الحنفية و إفتح الحنفية,,,تركنا الناس تحت سيطرة عصابة مبارك و ألأن نقول لهم "ماتختاروش الناس دي لو مش عايزنهم"""ياسلام ياولاد,,,,,علي كل حال,,الخطروة في ألأن في عدم فهم هؤلاء
الناس-النظام القديم-لخطورة مايفعلون ليس عل مصر فقط ولكن عليهم أيضاً
رضا هلال
ليست هناك تعليقات:
إرسال تعليق