جولة مع القضاء في مصرنا المحروسة إنشأالله,,,وربنا يستر عليك يابلدنا
أول جولة في قضية علاء عبدالفتاح المتهم بشوية تهم عاملة زي تلفيقات أيام عبد الناصر و أقصد بهذا أنها من النوع الشامل الكامل حجم عائلي مشكل.لن أتحدث عن قضيته ولكن عجبني خبر-بسبب شدة فكاهته-قرأته من شوية في جريدة التحرير بمقال نوارة نجم و اللي عجبني جزء صغير بس بهاريز,,,القاضي عند تجديد حبس علاء خلع تهمة من التهم و هي سرق رشاشات من افرادالجيش لوحده و طبعاً التهمة من ألأول فيه شوية عيوب أبيحة شوية,مثال:إزاي سرقها من الجنود لوحده و إزاي ضربهم و بعدين الشاهدان صحفين واحدة فوق الكوبري شافته بيسرق و التاني تحت الكوبري-لما مالقوش حاجة-شافوه بيرميهم في النيل,والصحفين ربنا يهديهم,الجيش ماقبضش علي أسبوع بحاله و مافتش البيت و مفيش فيديو و مامسكش اللي ضربوا الجيش بالنار-زي العادة-الجو كله علي بعضه كده شديد الحمضانة
بدأ الشباب عندما أسقط القاضي العسكري هذه التهمة و ربما قصد الرجل مساعدة المؤسسة علي عدم تشويه صورتها بإيدها و منعها من الإنتحار
فإنتفض الشباب علي التويتر لحشد موقف ضد الشهود و إتخاذ إجراء قانوني ضدهم,,بعد ساعات عادت التهمة الي القائمة من تاني,,وبصيغة إنتحارية تدل علي تصميم المؤسسة علي تشوية سمعتها...."القاضئ أخطأ لأنه لم يقلب الصفحة التالية فلم يلحظ التهمة"...أي والله
القضاء المدني لعب لعبة نارية إنتحارية شمشونية و علي و علي أ..لامش أعدائي,,علي و علي أبنائي و أبناء مصر و ولعها ولعها,شعللها شعللها,و رجع الفلول وقوي قلبهم و شد أذرهم ,هم كانوا عملوا إيه يعني,,عادي
و من سجن طرة و بعد تأكيد اللواءات و الطب""الشرعي""إن القتيل عصام بلع مخدرات و ماحدش نفخه,,بلاغ جديد ضد نفس الضابط"نور بيه" بتعذيب و هتك عرض-برضه-ضد سجين تاني!!!!!!ء
مش عارف ليه تذكرت و بسعادة شديدة تعذيب و مقتل الضابط أو ألأمين بتاع الزاوية الحمرا,,,فعلاً كما تدين تدان,,,الشرطة تفكر بغباء و تظن أنها تؤدب الناس تمهيداً لأعادتهم الي الحظيرة,ولكن الحقيقة أن الشرطة تقطع علي نفسها خط الرجوع,,والسكة حاتبقي سد بالطريقة دي
و................ربنا يستر
رشا هلال
ليست هناك تعليقات:
إرسال تعليق