ثيراً ما يهددنا الفلول وكذلك أشاوس أمن الدولة بأن ما نفعله من دفاع عن حقوق و مقاومة ظلم حاجة مش كويسة,ويؤدي الي إنهيار أخر مؤسسات الدولة و العياذة بالله
و هنا أحب أن أطرح عدد 2 سؤال بعد إذن الجميع
ألأول:هو كان فيه دولة بجد و مؤسسات بجد ولا حانضحك علي بعض؟
الدولة كانت شلة و المؤسسات كانت عصابات و أتاوات و جبايات و رشاوي و تسلط وقلة أدب و شوية منها كانت محافظة علي الكيان المؤسسي فعلاً,لكن الجميع كان مسلم أمره لحسني و شركاه
الثاني:هو إحنا اللي وقعنا المؤسسات ولا وقعنا الداخلية؟
طب الداخلية كانت ضايعة من زمان من ساعة لما كتير من رجالها إشتغلوا في الصنف و في ضرب ورق العربيات المسروقة و التلفيق و التعذيب و هتك العروض و الرشوة من وسع,,وختموها بالإنسحاب من الشارع من أمام مين؟ وحوش بشرية؟..سفاحين و قتلة؟؟لا والله من أمام متظاهرين غلابة مضروبين,مصابين بعاهاتومقتول إخوانهم و أبنائهم و سابوهم للوحوش البشرية و السفاحين و هدية علي البيعة فتحوا السجون عليهم و زيادة إكرام نزل ظباط و إمناء بعربيات تطلق الرصاص علي الناس في الشوارع و بعد كدة يقولك "أصل إنتوا وقعتوا المؤسسة"...أيووووووووووووووووه
طب بص معايا كدة,,مؤسسة في عز مجدها ,حصلت علي تأيد شعبي و ثقة أقسم بالله لم يحصل عليها أي مؤسسة ولا حزب ولا بطل عبر التاريخ و سلمها الناسميدانهم و شارعهم و رقبتهم بكل حب و تقدير و تناسي لمواقف الندالة أثناء الثورة و بدون شرط ولا عتاب,سأل الأطفال أهاليهم:إحنا كده ينفع نروح؟و كان الرد بصيغة التأكيد:طبعاً,دول رجال أنضف مؤسسة في مصر و حايحمونا و يحموا البلد و مش حايسمحوا حد يهين مصر بالبلطجة و السفالة القديمة و حايمشوا كل الناس الوحشة,أصل ياولاد دي مؤسسة ماتقبلش تجامل العصابة القديمة و كل شئ حايتصلح إنشاالله,,,و روح الناس وهم سعداء بمؤسستهم أكثر من سعادتهم بإنجازهم
بعد ذلك و غذ فجأتن.....نزلت ملشيات حسني و عصابته ضرب و قتل و حرق و فتن طائفية و رفع أسعار و ترويع,,وسرقة سيارات و قطع طرق و كباري
رجع الأطفال يسألوا:هم فين الناس الكويسين بتوع المؤسسة الكويسة؟؟؟,,و هنا لم يعرف ألأباء ماذا يقولونه للأولاد,,وكله بلم و مابقاش فاهم حاجة و القضايا بتطرمخ كل يوم و المجاملات واضحة و الجرائم الحقيقية في طي الكتمان و الفلول بتبلطج و تهدد و بتركب أحزاب تانية و كلامهم مسموع و بقوة في كل مكان و المؤسسة بتمسك اللي بيتكلم و يشتكي وبتسيب اللي بيقتل و يعتدي و الأطفال لسة بتسأل و ألأهالي مش عارفة تقول إيه
طب كدة العملاء الأشرار بيعملوا علي هدم المؤسسة ولا المؤسسة هي اللي بتنتحر؟؟؟؟؟؟؟؟؟
ليست هناك تعليقات:
إرسال تعليق