كنت زمان ممكن "أتهرش"إني مش مستوعب المسائل علشان فهمي علي قدي,,,دلوقتي و بعد "غزوة غاز ألأعصاب السام سي أر" بقي عندي فرصة أدعي إني كنت نبيه بس الغاز هو اللي بوظ دماغي ,بصراحة أكتر حاجة بوظت دماغي غير الغاز و بليتين الخرطوش إياهم,,هو المسؤلين و الإعلاميين بتوعنا ربنا....يهديهم
إمبارح سمعت كما سمع الجميع الدكتور الجنزوري يفخر و يذكر بفكرته منذ سنوات و بعد مجهود من أجل تخفيض أقساط الديون من خمسميت مليون في السنة الي متين مليون و كيف أنه إقترح بوضع الفرق التلتميت مليون في البنك المركزي لمساعدة ألأجيال القادمةعلي تكملة السداد الذي سوف يطول أمده
قال الجنزوري إن المبلغ بعد أن وصل الي 84مليار "عرفوا بيه"و أشار بيده إشارة مصرية بمعني إتلهف.لحد كده قدراتي العقلية المحدودة قدرت تجمع,بس بعد كدة الشيطان لعب في دماغي و وسوس لي,,طب ليه إنت سكت يا دكترة؟؟؟,,طب ليه فاروق-بتاع المركزي- العقدة طرمخ؟؟؟
طب ليه العقدة إتجددله تلات مرات,وأخرها من إسبوعين؟؟؟؟؟؟؟؟؟,,,وهنا,,جبت صوفت وير و غالباً بوردة لأنها بايظة أصلاً
الوسوسة الثانية تفقع برضه,,المجرم المبرمج عديم الضمير و العقل,محمود صبحي الشناوي قال في التحقيقات إنه ماضربش خرطوش أبداً علي الناس ,,ضرب غاز بسّّّ!!!!!!!,,,,,مشكلة فعلاً,,,,,بس أنا شفت اليو تيوب,,,الكلب ده بيضرب ببندقية خرطوش,,,وبعدين مافيش غاز قدامه ولا وراه لامؤخذا و السلاح اللي في إيده,,خرطوووووووووووووووووش
و في نفس التحقيق-حسب الجرايد بتاعة النهاردة-,,المحامي بتاعه جاب تقارير طبية إن المتظاهرين هم اللي ضربوا الظباط بالنار!!!!!ء
بالرصاصّ!!!!!!!!!!!!!!!!!ء
أعدت قرأة الكلام العجيب ده من واقع إني في وسط المتظاهرين دائماً و شفت متظاهرين إنضربوا برصاص الداخلية و صورت الفوارغ زي,زي ناس كتيرة شافوا و صوروا فوارغ الحي,,,,,,طب أقول إيه؟؟؟؟؟؟؟,,,,,,,والله مانا عارف,,,,,بيتهايئلي لو إستمروا الجماعة
دول علي الأسلوب ده مش حاينقع الكلام ساعتها و ربنا يستر
رضا هلال
ليست هناك تعليقات:
إرسال تعليق