المقارنة اليوم بين المؤسسات السياسية و الدينية من ناحية و التحرير بس من ناحية أخري
الطرف ألأول:المجلس العسكري,الأحزاب كلها,الكنيسة,الأزهر,ألأخوان,و السلفيين,إتحاد الكورة,ألأعلاميين الحاصلين
علي مباركة صفوت الشريف بعد أن قام بأختبار مهارتهم بنفسه و قبلوا يده و حصلوا علي بركاته
الأول:يحتكر تلفزيون البلد و صحافة البلد اللي هي بتاعة البلد كلها مش بتاعتهم بس,وهم بس اللي بيطلعوا فيها
التحرير:بيطلع في عدد محدود من الفضائيات اللي بتذيع أخبار الميدان و اللي بيشتموا في الميدان برضه
الأول:كل شوية يكذب كذبة و يعرض الكذبة و مايعرضش الفضيحة اللي حصلتله بسبب الكذبة ولو حد تناقش معهم يتعمي ضرب
التحرير:مابيكذبش و مكشوفة كل أحواله واللي مابيصدقش بيجي يشوفنا بنفسه و يتكلم مع الشباب ويستفزهم و يحرق دمهم و يروح سليم مبسوط و ينام كما ألأنعام
ألأول:بيستفيد من الدعم و الخدمات ألأمنية و المعنوية حتي ولو سد الشارع,مابيعطلش العجلة,ولا في العباسية حتي
التحرير:بيستهلك تكاليف أمنية أكبر بكتير جداً-غاز سام,رصاص حي,خرطوش....شخاخ من فوق سطح المجلس...الخ-و لو 70 واحد مصاب قعدوا في الصينية يبقوا عطلوا العجلة في البلد كلها
ألأول:بيحكم البلد كلها من تلاتين سنة و سرق و سرطن و خان وباع فلسطين و السودان, و مابيتحاكمش وبيسموا نفسهم شرفاء
التحرير:حكم وسط البلد ببنوكها و محلاتها سنة كاملة,مافيش محل إتكسر ولا بنك إتسرق ولا شقة إتسرقت و مع ذلك شبابه بيتقتلوا و يتخطفوا و يتعذبوا و بناته بتتسحل و بيتحاكموا عسكرياً و مدنياً و بيقولوا عليهم خونة
الأول:و اللواء كاطو المرشح الرئاسي المحتمل,عايزين يقتلوا بتوع التحرير
التحرير:عايزين بتوع ألأول يفهموا بس
الأول:بيسمعوا سيجارة بني و إزازتين بيرة و بيهتفوا بحياة عكاشة و المشير و ....مبارك!!!!!!!!ء
التحرير:بيسمعوا أغاني وطنية و بيهتفوا بحياة ....مصر
ألأول:كل وقفة في العباسية يهددوا و يدعوا الي الهجوم علي التحرير و طرد من فيه
التحرير:في كل وقفة في الميدان,بيأكدوا علي حق العباسيين في وقفتهم ويطلق الدكتور مظهر شاهين في خطبته ألدعاء لهم و يؤكد عل أهمية إحترام أرائهم-قارن مع كاطو السفح و دعوته الهمجية-ء
ألأول:لا يتحدث إلا من خلال مصالح ضيقة ولا يهتم بشهداء التحرير و إهانة بناته ويعتبرون خروج فتيات للتعبير عن أرائهم نقيصة فيهم يستحقون عليها الضرب بال "بيادة" !!!!ء
التحرير:يعتبرون كرامة البنات وحدة واحدة,لم يطلقوا اي شعار يقول"بنات التحرير"ولكن بنات مصر",,فهم يعتبرون بناتهم زي بنات العباسية ولا يرضون لكلاهما هذه المصيبة
الأول:يتكلمون بالسوء في عرض و شرف التحرير و يعممون عليه مواقف من يرسلهم الطرف"الثالث" إياه
التحرير:الناس فيه يمكن أن يصيحوا في وجهك لو تكلمت في عرض أي شخص من مشاهير ألأول و يعتبرونها نقيصة في حق المتحدث
ألأول:و خاصة المؤسسات الدينية,تخنع و"تٌكسكس" دائماً في محاولة لكسب أي حاجة و السلام,و إذا مٌست مصالح قيادتهم,دفعوا أبنائهم و أخرجوا ألسنتهم الطويلة وهات يا شتيمة و تهديد و نزولة سريعة الي التحرير و سبوني عليه حاطلع تلاتة ترابنتين مامته
و بعدين من أول مكالمة ,للخلف در و بيع الشباب تاني اللي كان بيصدقهم ألأول و دلوقتي لمن لا يعلم,فإن من يحضر منهم الي التحرير لا يجد اي ترحيب
التحرير:الحقيقي لا يقابل اي منهم ولا هيلاري و لا جون كيري ولا السفيرة ولا يتقلب في مواقفه ولا يساوم ولا يتلقي مكالمة من اللي بتخلي الناس "تٌكسكس",ء
الأول:عايز يحبس و يقتل التحرير
التحرير:هو اللي طلع التيارات الدينية و أطلق الكثير من التيارات السياسية التي تطالب بقتله-هل كان ممكن لهذا الكاطو أن يرشح نفسه للرئاسة من سنة كدة,ولا كان ممكن يعملوا فيه زي مابيعملوا في شباب التحرير اللي هم سبب طلوع صوت له علي كبر,عايز برضه
يقتلهم-ء
و بتحليل بسيط لما يصدر عن الطرف ألأول و كذلك الطرف الثالث المجهول,يمكت لكم أن تلاحظوا وجود إرتباط منهجي بين كلايهما
و أن ألأول يضع الخطوط العريضة و الفكرة و "الثالث"يقوم بالتنفيذ فوراً ملتزماً بخط السير المحدد سلفاً من الطرف ألأول
مش عارف ليه حاسس كده إن في علاقة بين ألأتنين,,اللهم إخذيك يا طرف أول
رضا
ليست هناك تعليقات:
إرسال تعليق