كثيرة ألأمور العجيبة هذه ألأيام....سمعت نشيد جاء بحلقة لرجل يدعي الشيخ خالد بقناة تسمي قناء الناس,المهم النشيد عبارة عن بكائيةتشبه بكائيات الشيعة لعدم تولي أوليائهم ألأمارة و السلطان كما لو أن ألأمارة و السلطان هي هدف الدين ألأساسي
يبكي منشداً أحد الشباب لسقوط الشحات في ألأنتخابات و يوضح أن الكرسي و الناس هم الذين خسروه و سوف يلجئون الي الشحات يوم عند حدوث-خد بالك معايا-...الفوضي...و ألأزمات
مش عارف ليه كلهم -حسني,القذافي,إبن ألأسد,يتاع اليمن....الشحات-بيتكلموا بنفس المنطق؟؟؟؟؟,,,أنا مش حاجي,,يبقي فوضي
هو في بلاد العرب اللي بيمشي من السلطة بياخد معاه جهاز تشغيل الألغام المدسوسة سلفاً في أرضنا؟؟؟؟؟,,,و لما يمشي بيدوس علي الزراير,,ولا هي بلطجة....فيها لأخفيها و لو مشيت كرسي في الكلوي,,,ولا أن بركة قوي ولو مشيت الباقين-حتي ولو سلفين و مشايخ برضه-مالهمش لازمة و مش حا تحل علي إيديهم البركة...ده بإعتبار إن اللي الناس ما ختارتهوش هو الوكيل الوحيد للبركة
كلام و حركات غير محترمة أبداً ولا تليق بالدين و مدعيه
خبر أخر بالجريدة بالأمس:البيان رقم 4-لأ مش المجلس المرة دي-لهيئة ألأمر بالمعروف المصرية بيقول
سوف يقوم أفراد الهيئة بالتنقل بين ألأماكن المختلفة لضبط السلوك الخالف و الدعوة لأغلاق المحال من أجل الصلاة
سوف تقوم الهيئة بإفتتاح أفرع لها في الأماكن و المدن السياحية لضبط سلوك السواح.....الخ
أنا عندي سؤال واحد بس,,,منين فلوس علشان كل ده؟؟؟؟؟؟,,,من ستة إبريل؟؟؟؟,,,من صربيا؟؟؟؟ ,,,ولا من.....؟
و دي بقي سمعتها من أخ إنتحاري أخر عنده من القوة الكثير لمشاهدة ....عكاشة,,,شاهد أخي هذا عكاشة في شاشة والدته يتهكم علي اسماء محفوظ ولكن ليس بخصوص العمل السياسي ولكن بخصوص الزواج و إن عنده واد صعيدي رقبته قد كده و حايريحها!!!!!!!ء
هو عكاشة بيشتغل إيه بالظبط؟؟؟؟ولما كان بيبوس إيد صفوت ماكانش معروف وقتها,كانت إيه علاقته بصفوت و كان إيه شغله معاه؟؟؟,,,شقي قوي عكاشة ده
أخر حاجة,من نقابة الصحافين مندوب ألأخوان جاء لتأبين الشيخ الجليل عماد,و غضب الشباب الحترم من وجوده أصلا و قالت زوجة الشيخ عماد أن الأخوان كانوا دائماً غائبون عن فاعليات الثورة و عند دعم الشيخ عماد وطبعا الأخ المندوب ضرب البؤين إياهما بتوع إحنا اللي حمينا الثورة و ...الخ و إتهم الشباب الغاضب إنهم هم اللي عايزين ينطوا علي الثورة....سبحان الله....ونسي هذا
الشخص أن الشيخ عماد أنار الميدان عشرة أشهر و ب‘تصال الأيام ولم ينقطع يوماً حراً أو برداً هذا العالم الجليل و لم نري أحد ألأخوان يزوره أو يفعل مثله,,يمكن علشان كانو مشغولين بالجلوس مع المجلس و هيلاري و جون كيري و السفيرة ألأمريكية اللي كان الشيخ رحمه الله معتصم بالميدان جنب مكتبها ولم يدخله قط ولم يساوم أبداً علي مبادئه ولا علي الثورة
برضه عندي سؤال,,,هي الناس دي كلها حمت الثورة من إيه؟؟؟؟,,,حسني طلع إنه كان حنين علي الثورة-أيوه,أيوه فاكر كلام المشير و الفريق لما قالوا في تعليمات...مش مهم...ماتبقئاش غلس إنسي زي اللي نسيوا-,و مادام الجيش و الأخوان و الأحزاب و الليبرالين
و السلفين و كل الناس الجامدة الحلوين دول حموا الثورة,,,أومال ليه الثورة إنضربت و ولادها إنقتلت و أعتقلت و أصيبت و مين اللي شوه صورة الثوار؟؟؟؟؟؟؟,,,,آآآآآآآآآآآآآآآآآآآه.....الطرف التالت....فهمت
رضا
ليست هناك تعليقات:
إرسال تعليق