بفكر أعمل مسابقة زي مسابقة "كدبة ظريفة",,"غرائب و طرائف",,"إفتكاسات",,و يكون موضوع المسابقة إفتكاس أي عكة جديدة ماتكونش ماتقالتش قبل كدة عن شباب التحرير,وقد كنت أظن إن كل حاجة إتقالت خلاص و الكلام العبيط و الكذب الهبيط عن التحرير خلص ولكن مع ظهور موهوبين جدد في التأليف و العك,خلاني إتشجعت إني أقترح هذه المسابقة
أحدث الموهوبين مؤلف جميل إسمه"""محمد سليم العوا"""....ء
من يومين,الولد الشقي ده ألف تأليفة فري,فري فاني.قال إيه بقي بالنص؟؟؟؟؟(بس بلاش ضحك إباحي ولا كلام أبيح)ء
قال:"ناس من اللي في التحرير معاهم ...كرات تنس...مملوئة بمواد حارقة حديثة شديدة التدمير,ويتجهون الي مبني التلفزيون من أجل حرقه و السيطرة عليه -أيوه الأتنين مع بعض-و هذا في إطار عملية القضاء علي السلطة و ألأنقلاب علي الدولة و...مش فاكر الباقي""....خيال خصب,,أسلوب رشيق,,و أهم حاجة عضو في المجلس ألأستشاري هو و عمورا موسي,,,,,لالا وبعدين بلاش تعليقات أبيحة
حد عنده حاجة لسه ماتقالتش عن الميدان و شباب الميدان,بس بلاش كورات التنس دي لأن ماعندناش تنس في التحرير,,عندنا جولف
بعد ماقال العوا الحدوتة الجميلة دي بساعات تم الهجوم علينا بالخرطوش و أنابيب البوتاجاز و الطوب وحدث حوالي88إصابة,,كنا لو أن هناك كلمة سر بدأ إستخدامها شفيق قبل موقعة الجمل ثم تسلم غرفة عملياتها توفيق عكاشة و دخل العواكمان اللعبة,,,بوقين خيال علمي من البهوات الكبار و بعد كدة هات ياضرب و قتل في "بتوع التحرير"ولا حول ولا قوةإلا بالله العلي العظيم
لن أتكلم عن إنجازات التحرير اللي عملت إنتخابات محترمة-بإستثناء إستهبال الأخوان و عبط السلفين-,ولن أذكربدم الشهداء الذي رسخ لتوازن في العلاقة بين الناس و الشرطة وهو ماتحارب الشرطة من أجل القضاء عليه و إعادة الناس تحت حذاء الداخلية-بالمناسبة,واحد من مرشدين أمن الدولة و سجله واحد من الشباب و هو بتسأل,,ده كتير من الباشاوات واخدين شقق و شاليهات بالقسط ,,حايلموا القسط زاي بعد الثورة؟؟ مشكلة فعلاً-,التحرير خلق حركة في التشكيل الوزاري اللي كان عامل زي محفل المجوس مابيتغيرش الابالضالين,أظهر الميدان للمصرين حقيقة تم إخفائها عنهم سنوات طويلة و هي إنهم ناس محترمين
أهم حاجة و علي سبيل العتاب-مع إن عتاب الندل إجتنابه-أذكر هذه ألأحزاب و الناس بتوع السياسة-خسارة فيهم كلمة نخبة-إنهم أصبحوا أصحاب صوت و راس مرفوعة بفضل التحرير اللي بيشوهوه كل شوية و بيسعوا الي القضاء علي شبابه معنويا و علي قتله بالتحريض المستمر,,,ألا لعنة الله علي المنافقين
أتمني من الله كما تمني سيدنا نوح لقومه بعدما يأس من سؤ عملهم أن قال:"الهم إن لم تهدهم ,,فخذهم",,فقد أصابنا الكثير من الهم منهم و من تحريضهم علينا,,,كلمتين تسمعوهم من أي عكاشة ولا العوا ولا تعلمون شئ عن كم الدم الذي يراق من جراء هذا التهييس,و كم شهيد من خيرة الشباب يسقط هل تعلمون كم شاب يتم إختطافه يومياً من التحرير؟؟؟,,,عن طريق التاكسيات,,وأخر مرة بالأمس جاء أفراد الي مجموعة شباب و طلبوا "حد يجي سياعدنا نجيب ألأدوية من العربية"",,الحد اللي قام معاهم لم يعد الي ألأن .......ء
هل يمكن أن يساعدنا عكاشة أو ألأخ بتاع الكور علي إيجاد هؤلاء الشباب؟؟؟؟؟,,,ام هم متواطئون(سؤال مش إتهام)ء
نحن نعاني,نحارب ,,الشباب يفقد عينيه,يتم قتله كالهاموش عادي جداً و يتم دهسه من يناير الي ألأن و الله ينور يا باشا
بيتهايئلي إن الرؤية في مصر بقت أكثر وضوحاً الأن,,,عايزين إيه؟؟؟,,,احزاب منبثقة من المنحل,,,عايزين المنحل نفسه؟,,,عايزين أحزاب بإطار ديني هم أساساً مش طايقين بعض و مش طايقين أي حاجة إنت بتعملوها كمواطنين مصرين ليهم تاريخ و عادات و تقاليد؟,,,,عايزين ليبرالين ولا إشتراكين مبحبحين و برضه ,,ويا سبحان الله مش طايقين عادات المصرين ألأصيلة الجميلة ,,,,؟
الحل هو تأكيدكم القوي علي الهوية المصرية و علي مصالحكم الحقيقية و علي كرامتكم و علي إنكم رافضين و بقوةإنكم تكونوا لعبة في إيد قوة سياسية عصابية بتاعة مصالح,لا يهمها مصلحة الناس العادية
المرة دي الناس العادية دي هي اللي إنتفضت بشكل سلمي محترم,,مجموعات المصالح السياسية اللي بتحاول تركبناما عندهاش وعي بأنها لما بتكسر الناس العادية,بتفتح الباب لثورات الجياع و العشوائيات و بتعرض نفسها أيضاًلمواجهات دموية ,و أخشي أنها تحاول إستغلال الجيش في حماية مصالحها و أنها تستعدب الجيش ضد الشعب(ظن مش إتهام) و ربنا يستر
الوضع خطير و أسأل الله البصيرة و الهدي لي و لكم
رضا هلال
ليست هناك تعليقات:
إرسال تعليق