كان سؤالي في المقال السابق"ما هي الخطة التالية للأنتحار",و كنت قد أشرت في مقال أكثر قدماً الي خطورة الكذب و ألأعتماد علي سيئي السمعة و أوضحت من وقائع التاريخ و المفاهيم الدينية أن العدل قوة جبارة
أوضحت أن في مصرنا العزيزة و لمدة ال55عاماً الماضية لم توجد الحاجة لدي العدو لأن "يتعب نفسه"من أجل تدميرنا,وقد قامت القيادة الناصرية بإزاحة صوت العقل وفتحت الباب للصوت العالي و ألأهتماد علي المرتزقة في إدارة المؤسسات و إعتمدت سياسةالتصفية و ألأعتقال و التعذيب و كلها أمور تكفي تماماً لأن يتحلل الجسد من الداخل و يصاب بالضعف و الوهن و يصبح ضياع القدس و سيناء و الجولان و غزة مسءلة غاية في السهولة بالنسبة للعدو و ضرب كرامة مصر و ألأمة العربية و تحطيم الزعيم الكبير الذي كان يقف معلقاًفي الهواء و يظن أنه يقف فوق قمة هرم,,,هرم إيه و هو مُعتقل المثقفين و الشرفاء الحقيقين و مقرب إليه الكثير من النصابين و أصحاب الصوت الجهوري العالي و يعتمد طوال الوقت علي فزاعة ألأمبرياليا و التدخل الخارجي و العملاء في الداخل!!!!!!!!ء
العجيب بقي في حكاية عملاء الداخل اللي كان مرعوب منهم و راعب الناس منهم برضه,إنه ماكانش بيقول هم مين و ماكانش بيمسكهم!!!!!!!!!!,,,,,,مع إنه مالي المعتقلات و السجون الحربية بأفضل الشباب في ذلك الوقت و دلوقتي كل ماتتعرف علي حد أو تسمع سيرة حد محترم تعرف إنه كان مُعتقل في عهد عبدالناصر!!!!!!!!!!ء
طب ليه ماكانش بيعتقل بالمرة عملاء الداخل و اللي كان دايماً بيقول في خطبه إنه عارفهم كويس!!!!!!!!ء
هو فيه إيه في دول العالم الكاذب الشهيرة بالعالم التالت؟؟؟؟؟؟
خد الثال ده...في أواخر عهد عبدالناصر أخذت مصر من روسيا أحدث رادار في العالم في ذلك الوقت,تم وضعه في قاعدة بطريق إسنا-البحر ألأحمر,,وكانت لمن لا يعلم,سموات مصر مفتوحة و مكشوفة تماماً,نزلت طائراتان هليوكوبتر نقل-زي اللي بتجيب أفراد المظلات علشان يضربوا البنات في التحرير...بمروحتين-و أستولت القوة الأسرائيلية علي الرادار و علي الطاقم وتم حمله الي تل ابيب-خد بالك...بدون تدخل من العملاء في الداخل-, تم عمل محاكمات ولازم كبش فدا فتم إعدام 12 لواء قوات مسلحة
ويعلم الله إن كانوا فعلا مسئولون عن هذه الكارثة أم لا
تذكرت حكاية الرادار دي مع كذبة إن حماس و إيران دخلوا و فتحوا السجون و أخرجوا المساجين وكان لسه حسني موجود طب دي يتعدم فيها حسني و قادة الجيش و الشرطة و سمير زاهر شخصياً
صباح اليوم إتصل بي صديق إنتحاري حيث أنه يجازف بمشاهدة عكاشة و قد فشلت مراراً في متابعة أكثر من ثلاث دقائق و قد رباني أبي رحمة الله عليه علي أن الكذب و النصب ليسا جريمة فقط ولكن لامؤخذة قلة رجولة أو إنعدام رجولة تماماً و ذلك حسب حجم النصبة و عكاشة حجم النصبة بتاعته عملاقة
حكي لي الصديق عن فيديو يظهر ناس وحشين من الثوار وفين فوق جامع عمر مكرم حيث المستشفي الميداني الرئيسي و حيث دخل رجال الشرطة العسكرية و المظلات و التحريات و الأمن المركزي بأحذيتهم عدة مرات الي ساحة المسجد,,الناس الثوار ألأشرار بيعملوا إيه؟؟,,مقلعين ناس أبرياء ملط وهات ياضرب و مزيد من التأكيد يعلق رجل ملتحي و مشيراً الي أحد الذين يفترون علي "المساكين" بأنه يعرفه,فهو واحد شيوعي و إنه شافه يبول فوق المأذنة-بحب السيما-و.....و إيه؟
هل تعلمون أن الجيش و الشرطة إستباحوا المساجد فوق و تحت و طلعوا فوقها و تحتها و أقتحموا الشقق في الميدان ضربواو حطموا كاميرات المصورين؟؟يعني أنا مش حاقول كيف أنهم أستباحوا عمر مكرم أكثر من مرة و بغرض ضرب و خطف ألأطباء و تدمير مخزون أدوية عملاق يشتمل علي أنواع غالية الثمن بدون وعي ولا رحمة و قاموا بخطف و ضرب المصابين و ألأطباء بقسوة شديدة...... ...داخل المسجد
و هناك الكثير من الفديوهات ولكن لا يعلق عليه الشيخ اللي شاف اللي بيبول...طب ليه الجيش ما أنقذش الناس الكويسين..خاف؟
ولا كان مشغول بضرب البنات؟؟؟؟؟
ولا اللعبة التلفيقية في إطار واحد عسكري تبول علي الثوار ,,طب و واحد ثائر تبول علي المسجد؟؟؟؟؟
يعني كل ماتخطئ السلطة و رجالها يتم الدفع بقوات العكاكشة لتلفيق حاجة تنفع يغلوشوا بيها علي أخطائهم,اللي أساساً لا يعرف بها
إلا قليل من الناس و ألأعلام المصري يقوم بإخفاء كل شئ عنها,,,فاكرين كوبري قصر النيل و النيل الهادئ الجميل وقت الثورة؟؟
طب فاكرين الجيش المصري اللي بينضرب و يتقتل و محتاج دعم المواطنين الشرفاء,و أخيراً الجيش أعترف بأن العساكر هي
اللي داست الناس مش الناس هي اللي بتقتل الجيش؟؟إعلام مش نضيف علي الأطلاق
و يضيف هذا العكاشة,و صديقه الملتحي بأن مظهر شاهين بياخد 4مليون جنيه من قنوات خاصة,,إن اللي ورا مسيرة العباسية
المضادة لشغله المش نضيف,هوإبراهيم المعلم بتاع الشروق ,إن المعلم واخد 4 مليار جنيه من فلوس الشعب....الخ
أولا:الأخ العزيز الذي تمكن من مشاهدة كل هذا,أقر له بأنه شخص قوي جدا
ُثانياً:لا يزال ألأعلام الرسمي و العكاشي يدور في دائرة مغلقة إسمها"تكلم الست المش كويسة تلهيك,واللي فيها تجيبوا فيك",و
يارب إن لم تهدهم,فخذهم(دعاء سيدنا نوح عيه السلام)ء
ثالثاً:هل ماتفعله السلطة و إعلامها محتاج معاه عملاء من جوه ولا من بره علشان يخربوا البلد؟؟؟؟؟؟؟؟؟
رضا
ليست هناك تعليقات:
إرسال تعليق