كل مرة يتم فيها القيام بضرب الثورة و الثوار وتلاقي القيادة السياسية إن الخطة كان فيه جوانب مكشوف و إن لسه فيه ناس فاهمة و المتعاطفين مع الثوار لسه كتير,,,مجموعات الدعم السفلي بالقيام بضربات تسبب خسائر للناس و البلد ويتم نسبها للثوار بغرض القضاء علي أي تعاطف محتمل من قبل الناس اللي في البيوت و اللي لسه بيثقوا في إعلام حسني و صفوت
المرة دي حصل تعاطف كبير برضه,,,طب يعملوا إيه ولاد ألإيه؟؟؟؟؟
ولع في مبني تاريخي يحتوي علي كنوز تاريخية,,,المبني ولع من جوه,,و بدأً من الدور الثالث!!!!!!!!ء
واحد بيسأل طب ليه مش الثوار الوحشين اللي عملوا كده؟؟؟؟
السبب إن ماحدش منهم دخل للنقطة دي لأنهم كانوا بينضربوا براها ,و ليه الدور الثالث,لأن اللي بيولع من جوه لو إشتغل علي ألأدوار السفلية ممكن حد يشوفه أو ياخد باله
الغلوشة هما و تكرار التعليقات الحزينة علي المبني و محتوياته,تلهيك تماما عن قتل و عن جنازة فضيلة الشيخ عماد عفت أمين لجنة الفتوي,,ولو ما عملوش كده الناس حاتتعاطف مع الشهيد و مع الثوار و مع الثورة,وده مخالف لخطة تصفية الثورة و الحفاظ علي النظاااااام حتي ولو قتلوا نص الشعب و ولعوا في النص التاني.الغريب بقي و علي سبيل المثال إنهم هم اللي جابواالبنزين و حرقوا خيام و مقتنيات الناس و المستشفيات الميدانية جنب المجمع ولما النار مسكت في جزء من المجمع يقولولك الثوار عملوا كدة و عادي جداً حاتلاقي ناس كتير بتلعن سانسفيل ابو الثوار علشان كانوا حايولعوا في المجمع.........ء
الكلام بقي بتاع"ثوار يناير يا جملهم,فين ثوار يناير؟الموجدين دول بلطجية",,و الكلام بيحوطنا امام إختيارات و إحتمالات عديدة
أولاً:إن الثورة حققت اهدافها بالكلام و الناس اللي لسه بتنزل و لسه بتعتصم-و منهم انا-عبارة عن شوية عالم لبط و غلسة ونازلين يشاغبوا الخلايق و خلاص,,الله,ماهي البلد بقت زي الفل و معادش فساد ولا ظلم,,طب بننزل ليه,,,تمام علشان بلطجية
ثانياً:بتوع يناير باباهتهم و ماماهاتهم منعتهم خلاص من النزول تاني
ثالثاً:جالهم عقد عمل في بلد تانية
رابعاً:طلع إنهم مخلوقات فضائية و تم رصد الطبق الطاير اللي روحوا بيه و كان في شوية تانية روحوا بعديهم في طبق برضه بس كمالة
إذا نحن ألأن أمام بلطجية اشرار عايزين يدمروا البلد و طبعاً بيعملوا كدة منزمان من ساعة لما سرقوا ألاف المليارات و نشروا الفساد و الرشوة و ألأتاوات,,من ساعة لما باعوا النيل و السودان و فلسطين و نشروا فيرس سي و الفشل الكلوي و السرطان و دمروا المرور و أستوردوا قطع غيار تالفة بتقتل الناس و أفسدوا العلم و التعليم وغشوا اللقمة و الدوا,وأفسدوا أخلاق الناس بإعلامهم القذر و دخلوا المسجلين خطر مجلس الشعب و سرقة و إختلاسات و وسايط و فتن طائفية, و تزوير إنتخابات بعد كدة قتلوا الثوار الحلوين بتوع يناير!!!!!,و فتحوا السجون علي الناس و قتلوا اللوا البطران و لموا الطلقات من جسم المقتولين من المستشفيات و لفقوا التقارير الطبية و ملفت الشهدا..عفوا..المقتولين و بعد ما إستلموا البلد تاني بعد 11فبراير رجعوا كل محتويات صفيحة الزبالة
فوق دماغ الناس مرة تانية.....فعلا بلطجية ولاد كلب
رضا
ليست هناك تعليقات:
إرسال تعليق